星期日本是行山天, 但今天要請假, 因為型爸的台灣朋友來香港, 要招待一下呢.
呢兩位朋友由台灣飛到廣州喝喜酒, 只逗留三天. 他打電話給型爸時, 型爸叫他們喝完喜酒, 第二天來香港, 大家可以相聚一下, 食晚飯吹吹水. 其實這也是順路, 他們走時也要經香港回台灣, 現只是改一個晚上留在香港. 農曆年假時, 我們到台灣, 他們也要求我們一家人去台北吃晚飯, 又幫我們訂另一家酒店, 好朋友, 當然有來有往.
馬上幫他們在尖沙咀訂了酒店, 訂位食晚飯也想了好一會. 因為其中一位食煙, 要搵間餐廳可以食煙呢!
我記得上次同美國回來的朋友去泰斗 Thai Master, 那裡有一個露台, 應該可以食煙吧, 打去一問, 雖然不可以坐在露台餐位那邊食, 但要要行幾步, 餐廳有預留一個位置給食煙的客人, 不會影響其他客人, 那也兩全其美.
跟著打電話去問, 帶酒去要收幾多開瓶費. 我話有Whisky, 佢話本來收HK$250, 現收HK$150一枝. 如果每人打折後消費超過HK$320, 仲可以waive埋開瓶費. 哈哈, 好有信心唔使比開瓶費呀!
下午兩點幾接咗佢地去我地屋企坐下 , 跟著先去酒店check in, 再帶佢地由酒店去星光花園, 再去名店街. 哈哈, 兩位男士點有興趣shopping 吖. 佢地寧願早的去飲吓野食飯啦.
結果我們的晚餐提早由六點開始.
我們帶了枝 The Glenlivet 21 去招待他們. 點了大部份的菜都是小食, 可以送酒
點了柚子沙律, 佢地話好好味. 他們說台灣沒有出產柚子, 所以台灣的泰菜沒有柚子沙律
泰式拼盤, 有魚餅, 複餅, 春卷, 瞿翼
食吓食吓, 大家都覺得好夠, 咁就叫甜品啦.
哈哈, 平均消費每位HK$326.....叫時無計過數喎, 咁準嘅. 睇番張單, 除了那椰青之外, 坐部其他食品都有折呀! 如果無折, 原價埋單可能要HK$1900 呀!
今晚食得真開心!
沒有留言:
張貼留言