2010年8月14日下午4:50公開累積瀏覽 62
每席hk$888....抵..
紅瑞乳香豬半隻...嘩半隻都好大碟
豬肺頂蝴蝶腩燉菜胆(兩煲), 個湯唔錯, 好味.
香脆黃金蝦, 好睇唔好食. 的蝦煮得唔夠乾身, 的蝦都無咩味.
紅燒蝦籽柚皮. 嚟到見唔到有蝦籽, 叫個部長攞入廚房加番的蝦籽, 但係加得好少, 呢碟都係麻麻.
避風塘炒蟹, 有的辣, 蒜蓉唔夠多, 但都幾好味.
奇妙醬蒸烏頭, 味道ok. 但menu寫有兩條, 佢蒸咗一條, 我地問, 佢地再蒸多一條出嚟.
木耳蠔崧炆客家鮮腩肉, 味道一般.
什菌浸時菜, 呢碟清清地幾好.
果埸豉油雞, 味道一般.
飯後送紅豆沙&
西米露
朋友送我一個生日蛋糕, 預祝生日. 多謝哂呀!
我地只有十個人, 的餸都食唔哂...
埋單hk$1,098... (hk$888 + hk80 茶芥, + hk$14 兩碗白飯, 再加一) 咁嘅價錢, 咁上下質素, 又有個地方比我地食足三個鍾....算係咁啦.
沒有留言:
張貼留言