2010年8月27日上午11:47公開累積瀏覽 539
一早去到機場港龍couter check in, 我同型爸, 一齊upgrade 到business class.... 嘩! 好開心啦! 即刻覺得個package 物超所值.
check-in 之後, 跟著用張Priority Pass 去club lounge 食早餐, 哈哈, 食物唔錯, 食咗一碗白粥加蔥, 菜圃, 花生....好味. 再食咗一碗魚蛋米加xo醬, 的湯好淡, 但好過多味精. 再嚟一杯蒸餾咖啡, 杯咖啡都ok... 唉, 昨晚瞓得三個幾鐘, 真係要飲杯咖啡頂著.
坐business class, 座位梗係舒服, 但係份早餐就真係麻麻, 嗰嚿燒賣非常難食, 好彩已經食咗早餐, 呢份可以放棄.
班機準時到達高雄, 型爸的台灣朋友已經到了在等我們, 真的多謝他們, 一個昨天從大陸回台中, 再開車過來, 另一位更從台北, 昨天開車到台中, 今天一早再開車過來接我們...
大概十一時由高雄機場出發, 開車去到東港, 朋友帶我們到東昇餐廳食海鮮, 呢間餐廳原來好出名食鮪魚.
屏東縣東港鎮光復路二段66號
朋友叫咗好多出名美食, 有"拖羅"魚生, 烏子魚, 處女蟹(即重皮蟹), 海鮮羹(湯面白色係蛋白)... 呢幾樣都非常好味...
仲有蚵仔麵線, 炒菜(唔記得咩野菜), 朋友介紹飲呢隻烏龍花茶, 餐後送黃肉西瓜.... 五個人, 好美味滿足的午餐.
跟著開車去到車城, 經過福安宮, 入廟拜神, 呢的係禮貌, 我地都會做.
再帶我們去到車城入面一個市集, 裡面有好多小食, 呢度有出名嘅綠豆蒜(甜品), 但當時仍然好飽, 無試到. 見到有好不同嘅蛋, 有鹹蛋, 皮蛋, 鴨蛋, 鵝蛋 (嘩, 隻鵝蛋幾大隻, 大過隻鴨蛋一倍有多) 全部已經煮熟, 一買可以即食, 朋友買了很多.... 另外出面檔口, 見到有一檔專賣洋蔥, 嘩, 咁多顏色嘅, 睇落有四種, 紫, 啡, 淺啡 & 白色. 真係未見過純白色洋蔥, 後來先知呢隻白色洋蔥好好味.
跟著開車直駛墾丁, 到墾丁已經差唔多四點... 風景很美, 天朗氣清, 陽光普照. 沿路有好多外型頗漂亮的民宿. 在我們所住的民宿對面, 有一間叫花園紅(左上), 聽聞要預訂一年. 我們所住的民宿, 是其中一個台灣朋友的多年好朋友所開, 平房式(右上)比較簡潔. 他們仍有一棟三層高, 正在興建中.
因昨天睡不好, 當型爸同朋友出去海灘玩水上活動時, 我就在民宿小睡片刻charge charge 電(我好攰, 唔夠體力, 亦唔喜好呢的水上活動, 都係啱他們幾位男士玩). 型爸話的水上活動都幾激, 玩完雙手攰到不得了. 佢地玩咗差唔多兩個小時就回來, 差唔多七點, 我地出發去食晚飯.
民宿的老闆與他太太(他的太太是香港人), 還有他們由香港請來的設計師, 一同到一間叫討海人海產餐廳食晚飯. 門口有一大個魚缸, 無咩其他活海鮮, 只有一條頗大的雞泡魚.
其他大部份都係冰鮮, 但都係海魚. 即漁民打完魚之後即時急凍.
那位香港人太太介紹我飲呢隻麥仔茶, 佢話幾好飲, 有時會pack一箱箱帶番香港/大陸. 又真係幾好味. 可惜我出到台北, 搵唔倒, 所以買唔倒番香港. 型爸帶咗一支免稅店買嘅Blue Label, 幾個男士, 成支飲哂, 仲唔夠. 另外一個台灣朋友帶咗支black label, 都飲咗半支.
叫咗好多餸, 魚生係必定有, 因為又平又靚. 沙律筍, 仲未食過的雨來菇炒蛋. 蕃薯飯
炒菜(又唔記得咩野菜), 海鮮炒飯, 龍蝦
又有餸唔記得個名, 酸甜豆腐, 炸飛魚子(呢碟好好味, 我同型爸都好鍾意). 碟土雞都好有雞味.
海鮮湯, 煎海魚, 仲有蒸海魚. 其中一味係木魚涼拌白洋蔥(生吃), 呢隻白洋蔥好好味(就係我下午响車城見到嗰的), 好清甜, 無其他洋蔥嘅辛辣味, 聽聞係呢度特產. 香港未見過有得賣.
八個人食咗咁多野, 好夠呀! 的餸一的都唔膩, 好正呀!
食完晚飯, 我地去咗凱撒大飯店近海嘅小灣吧繼續飲, 嗰度環境非常舒服, 仲有播出好似live band晿緊嘅音樂, 首首歌都好好聽, 聽聞嗰隻cd係restaurant manager嘅珍藏, 市面應該好難有得賣... 型爸拍低咗個cd cover, 要去搵吓.
飲到十一點幾, 太攰了, 要番去休息... 愉快&充實的一天...
沒有留言:
張貼留言