巴基斯坦菜

August 5, 2018, Sunday

呢排天氣好熱, 但我地行山組都無偷懶, 繼續有行山, 只係揀的唔會咁曬嘅地方行.    大埔滘就係其中一個好去處.  通常我地會行兩段, 紅路加藍路, 大約兩個半小時行完.

今日行完山响陳漢記食粥麵時, 組長突然講起食巴基斯坦菜...我地話不如今晚就去試吓啦...

組長馬上打電話去訂位.

 呢間巴基斯坦福利會响可崗八鄉錦上路上村, 就响南苑酒家附近

 組長話唔知叫咩, 只係話咗Mr. Saffis知我地十個人, 食咩就由佢決定.

 先上沙律, 薯仔沙律及什菜沙律....竟然係雙份, 即每款兩碟.     跟著上埋三款醬汁 (又係雙份上), 我地問呢的係salad dressing?  佢就話呢的醬汁食咩都可以落!!!

仲有巴基斯坦芒果出名好甜....我地要咗一jar芒果汁...超甜, 我要加冰先頂得著, 佢地話絕無加糖, 只係用新鮮芒果加奶打出嚟,

 一嚟就係羊架, 又係兩碟, 每碟大約十件, 即係預我地每人兩件.  睇落好似好乾, 但食落的羊肉都juice, 幾好味.   但我食一件就啦.

 跟著係炆羊膝, 又兩大碟.    又係羊.... 我食埋呢件已開始飽飽地

 跟著竟然係麥樂雞,   哈哈, 我就麻麻啦... 但其他人都鍾意食 (由其是不喜歡吃羊的)

跟著呢碟係咩...睇落就真係麻麻, 但係食落個個都話好味.  呢碟係炸魚嚟架,外面脆入面的魚肉嫩滑, 好好味呀!   唔食羊的有救啦.....

款款都咁大碟, 食到呢道, 我地問Mr. Saffis, 仲有的咩野食, 佢用的唔鹹唔淡的廣東話....慢慢食, 仲有好多嚟緊, 呢的係小食, 主菜一陣間上......吓, 唔係吖麻....上咗嗰的係小食....已經剩咗一大碟羊膝, 幾件羊架, 炸魚沙律都未食哂....已經好飽啦.

 跟著就上咗兩款薄餅.....Mr. Saffis 話一碟原味, 一碟有肉...吓, 有肉, 無呀!   原來佢講蒜蓉!!!

 配薄餅有咖哩雞 及炆羊腩....的咖哩汁好好味, 但的雞肉就嚡的.   炆羊腩非常好味...但真係好夠, 食唔落.

 呢的巴基斯坦米飯....Long Gain Rice, 好好味呀!

的主食差不多全部都剩低, 連一向有食力的型爸, 一開始食咗三年羊架...現在想唔投降都唔得啦.

Mr. Saffis 話唔緊要啦, 慢慢食, 食唔哂拎番屋企比家人食. 

咁又係, 我地見親隔離兩三檯, 每檯都十個八個巴藉人, 個個都係因男, 無好士及小孩, 唔怪得欴叫咁多跟著打包返屋企.

我地結果都包咗八盒, 每人分的攞返屋企.

鄰居响counter攞咗的咭片.     上綱check 吓, 佢地有Facebook專頁.  唔好睇呢間Canteen無咩裝修, 但好多揸靚車嘅巴藉人士嚟食架.

講真, 唔係唔好味, 但叫我成日嚟食就真係唔掂. 煎炸炆的香料好勁, 好濃味, 久唔久食吓就可以.

走時我地買咗一盒巴基斯坦芒果, 一盒HK$100, 大的一盒有六個, 略小的一盒有七個.  我地挑了一盒大的有六個.  分三份每人兩個返去試吓先....

第二日試吓個芒果, 切開覺得顏色好淺, 驚個芒果未熟唔甜.    點知一食.....真係超超超超超甜甜甜甜甜呀!