慢慢慢慢慢, 慢完繼續慢....但我都比個準則自己....至多三個小時好啦....
做法都係同昨天整嘅豬腩差不多, 但今天個汁整多少少: 老抽6湯匙, 生抽8湯匙, 水10湯匙, 薑, 蔥, 蒜, 冰糖. 先將醬汁煮滾, 試味, 熄火, 加入4 茶匙玫瑰露. 待涼入zipper bag, 再放隻雞落去.
上次去鄰居家食, 覺得鹹咗的, 因為醃咗一晚. 今次我係無醃過. 預備煮三小時, 點都入味啦. 再者又可以用的汁埋個茨, 就算淡少少都可以醮的汁嚟食.
先預熱的水, 用68度慢煮三小時.
今晚仲有咩野餸:
呢款湯去濕健脾, 味道都好好飲呀!
沒有留言:
張貼留言