黃油蟹 - 尖東陶源酒家

July 31, 2018, Tuesday

上星期六去美孚陶源同奶奶飲茶, 有位大堂經理係咁sell 佢地嘅黃油蟹餐..

睇落都幾吸引喎...但係每位HK$888, 連茶芥加一要HK$1000一位, 有的貴喎! 
唔費唔貴, 那位經理送咗兩張買一送一的coupon比我...哈哈,  咁又抵好多喎.

那經理梗係叫我要幫襯美孚陶源啦....但真係唔好意思, 美孚無免費泊車.  尖沙咀對我嚟講比較方便.

今日我就同型爸訂咗尖東陶源, 試吓呢個黃油蟹鮑魚餐..., 真係買一放一的.   我坐低佢地馬上要我比呢張卷, 如果唔係就要收正價啦.

先上黃油蟹膏小籠包, 一籠一個, 其實個包都幾大.  一夾起入面的湯汁流哂出嚟...味道都ok, 但食唔出黃油蟹味.

金湯小米燴遼參, 呢個湯幾好飲, 但係遼參就要慢慢搵, 因為切到碎哂.

上呢碟呆一呆, 唔知係咩, 原來係鮑魚的拌菜, 炆金柚

鮑魚另外用熱鍋加熱再上.....咁就似樣的

隻鮑魚炆得幾好味呀!

主角上場了, 本來以為半價之後, 每人半隻蟹, 原來係一隻

打開隻蟹都真係好靚....全隻入面都係黃色....睇時好興奮, 但食落就好失落...一的鮮甜味都無, 的蟹肉好嚡...失落呀!   咁點都食埋佢嘅...不過越食越無癮, 即刻覺我大閘蟹好食好多....

全晚最差係呢個...黑魚子煎魚扒....食落係嚡烚烚的...

黃金蟹皇炒飯...我諗係的黃油蟹的問題, 無蟹味咁的蟹膏同蟹肉點會有鮮味....所以碟飯食落哄係一碟普通菜粒蛋白炒飯, 食唔出有蟹皇.

甜品係蛋白杏仁茶, 呢個都ok

仲有紅棗糕

埋單連茶介加一, HK$1003.

未食之前仲諗著幾時用埋另一張coupon, 但現在又唔想食第二次....等遲的食大閘蟹啦.