2015年9月21日 星期一

秋高氣爽行山樂 + 樂斯餐廳

September 13, 2015, Sunday

唔覺唔覺立秋都已經兩個星期, 但天氣仲係好熱, 上星期都仲有酷熱天氣警告.  但估唔到今早一起身出門口, 有的風, 已經感到有的秋意.

組長的女兒今晚離開香港回英國, 組長太太話請假一天陪女兒.   原以為今日少一個人行山, 點知其中一個組員的女兒加入, 今日都叫齊人.

組長話今日都係行簡單的, 下午要幫女兒執行理, 晚上再送出機埸.  咁唔使諗, 我地都係去行大埔滘林徑.

紅加藍, 一的都唔難行.

上到去林徑, 氣溫低了幾度, 再加上清風隨來, 好清涼呀!  在林徑入面, 完全感受到秋意.
今日我要繼續急行, 要練吓的心肺功能, 下星期去行梧桐寨呀!

哈, 行咗咁多次都無留意, 點解呢道有大石阻路.

今日真係有的特別, 回程時行到去溪澗, 見到有人在打坐, 吸收緊大自然嘅靈氣.   其實唔止呢一位, 我地响另一處亦見到一位男士企响尖石上又係唔知練咩野, 但太近, 唔好意思拎個相機嚟影佢.

今日都行得幾快, 兩個幾鐘就行完啦.   跟著大家商量去邊道食午

組長話去粉嶺啦, 有一檔滷水豬手同牛什都好味架.

呢間餐廳叫樂斯餐廳, 去到大約12點,呢個時間, 即時有位.   不過我地8個人, 無大檯, 要分開兩檯坐.

 
價錢都係一般大眾化

見到的牛什好想食, N年無食過呀!

型爸話唔知點解咁肚餓, 要食午餐枝竹火腩飯

 
送例湯, 我試過, 應該無味精.

呢道的奶茶都唔錯.  我要熱飲.   只要叫了粉麵或飯, 加HK$6 就有一杯飲品.

我地呢檯要咗滷水豬手 HK$55, 幾好味, 唔鹹喎.  好怕的千年滷水汁, 鹹到死呀!

碟牛什都ok呀! HK$55
腐乳通菜, HK$16

雙丸麵HK$28

我要了片頭河, HK$
最後要介紹呢道嘅辣椒油, 勁辣, 可以外賣, HK$50一樽.  但我屋企仲有兩樽大孖, 唔買著啦.

呢餐平均HK$50一位.  食咗咁多野, 抵食啦.

沒有留言:

張貼留言