August 31, 2015, Monday
今日約咗Akiramay食lunch, 平時佢無主意去邊道食, 但今日佢話想食泰菜.
平時佢由火車站行去尖東, 經過新東海中心天橋出口, 都見到阿來記貼出嚟個牌, 今日不如去試吓.
呢份就係阿來記嘅餐單, 一行入去, 原來係快餐式泰菜
間餐廳由兩個鋪仔合成, 第一個鋪係廚房加收銀處櫃檯, 仲有幾張吧櫈(有的人排緊隊, 我唔好意思影人地啦). 黐著隔離鋪就係坐嘅地方. 地方細又放咗好多張檯, 好迫呀! leaflet右下角影張相睇落幾靚...梗係, 未坐人麻. 我地坐四人檯, 但入面兩個座位根本行唔到入去坐(咁迫我梗唔入去坐, 除非四位都係相識啦). 咁我地坐出面, 張檯就變成兩人檯.
因為係快餐店, 要去櫃檯付錢先買票. 都未睇清楚餐單, 見到星期一係海南雞飯, 咁我地兩個都要海南雞飯.
快餐店形式, 可能請個洗碗仲貴過用即棄食具, 全部都係用即放棄食具.
海南雞飯, 的飯都好肉幾多. 的雞肉都幾滑
呢碗係冬蔭公湯, 以泰菜嚟講係唔合格. 只酸不辣, 唔夠味. 可過想點吖, 份午餐咁平, 冬蔭公湯成本好貴, 大量製作好難煮得好味.
要了咖啡, 普通快餐店即溶加啡, 唔夠熱, 但唔算難飲.
一份餐HK$42, 只係抵, 但唔可以講好食. 但佢嘅海南雞飯唔算差, 好食過港晶中心嗰間Killney星加坡餐廳.
好唔好帶麻煩鬼同慢麼麼過嚟試吓呢? 講泰菜, 新曼谷餐廳好食的喎.
沒有留言:
張貼留言