極黑豚煙豬腩炒稻庭扁烏冬

September 21, 2014, Sunday

星期日下午, 今日又教Cindy炒烏冬

上次去超市買咗壽桃牌出品家庭裝稻庭扁烏冬

 
一袋入面有六包, 見唔係咁大包, 一次過煮哂.


用我嘅方法, 唔使煲, 只係用熱滾水弄鬆的麵, 順便去一去包裝烏冬有時有嘅酸酸地味.  弄鬆之後再瀝乾水份

 
今日嘅配料係美國出品嘅極黑煙豬腩


睇落都幾靚, 跟手將煙豬腩爆香

 
另外再加韮菜花同洋蔥, 為咗要靚的, 的花我剪哂, 尾部老咗嘅又唔要, 一紮半韮菜花所剩無幾.

蒜頭起鑊先爆香的韮菜花同洋蔥

加鳥冬加調味, 再將煙豬腩回鑊兜炒.

 
炒起幾靚仔, 仲幾好味添.

一大碟五個人食.  Cindy真係好開胃, 六個烏冬嘅份量, 佢應該食咗兩份, 多個型爸同二公子.  佢話緬甸無食過烏冬呀!

我話食多的無問題, 覺得好味就要學識點煮.