緬甸椰汁雞湯意粉

July 14, 2018, Saturday

Cindy响緬甸返咗嚟,  心情已經平伏, 佢只係好掛著的仔女. 

佢今次返嚟帶咗好多緬甸小吃同調味....拖著個成30kg 嘅行理箱, 返到香港就先去深水埗探的鄉里, 攪到好夜先返....但係拎著個咁重嘅匧上上落落, 結果第二朝話我知扭傷隻手....真頭痕....

不過佢都真係好有心, 知我地鍾意食緬甸魚湯米線, 今天十一點幾問我地想唔想食...我話妳一整就要幾個鐘, 今日唔夠時間喎....哈, 佢就整咗另一款簡易的嘅緬甸椰汁雞湯意粉.

當我落到廚房, 佢已經整到七七八八.    佢將雞髀肉切粒, 先調味再炒熟.  個湯底調味就用咗搥成蓉的薑,紅蔥頭,蒜, 魚露, 黃薑粉, 仲有就係烘過的鷹咀豆粉.  煮到咁上吓再放入的雞肉, 碎烚蛋.   另外再加的一粒粒的,紅蔥頭(切半).   最後加入椰汁.


就係呢包鷹咀豆粉, 可以令到個湯底濃的.

煮好啦, 睇落似咖哩, 但一的咖哩味都無架.

意粉就好似平時咁煮好, 瀝乾, 上碟.

仲有預備生紅蔥頭(佢煮緬甸餸一定落紅蔥頭, 一時係生, 一時煮, 一時係炸), 雞蛋, 檸檬, 仲有辣椒粉

見到都好想食呀!

先攞的意粉放入大碗, 加的雞肉連湯落去.

跟著加蛋, 檸檬汁, 辣椒粉.....跟著再加多的湯....

食落非常好味呀.....連湯都飲埋, 飲到個碗乾乾淨淨, 覺得唔係好夠呀!   因為佢整咗唔係好多意粉, 四個人食唔係好夠.   Cindy 話佢唔食意粉, 用的湯嚟做湯飯就可以.....哈哈, 又係喎, 椰汁雞湯飯....正.

我地每人都比個like 佢.