南涌谷埔烏蛟騰 + 蓬迎仙館謝太歲

February 4, 2018, Sunday

天寒地凍, 早上只得八度, 可以做咩....哼哼哼, 都又咪去行山囉.

咁都唔係凍得好利害, 唔好比咁多藉口, 加上組長出差回來, 梗係要行啦.   當然亦有組員偷懶唔出席啦.

今日都有七人出席,都算幾好啦.

先去觀音廟拜神, 跟著開車去到發記士多, 我地就出發.....寒風削面, 好彩有帶頭套呀, 唔想吹到冷親個頭.

去到松記經過蘭桂騰芳, 我地上烏蛟騰.   好多時我地兵分兩路, 一部份回程, 一部份人上山, 但今日全部人一齊行呀!

其實呢段好斜, 步級又高, 唔係幾好行

差不多半小時都係不斷步行上斜, 都真係幾索氣,  卒之行到呢個十字路口, 大家再休息一下.
呢道可以行去荔枝窩

 

 以為已經唔使點上石級, 久唔久都係不斷上斜

直到見到呢個亞媽笏, 就差不多落山啦.

由松記行到烏蛟騰大約一個半小時, 由南涌出發, 全程行了大槪兩個半小時...哈哈, 今日都幾攰, 行到成身大汗.   不過一唔行停低落嚟就好凍啦.

行完大家又嚟呢間至友美點....

好肚餓呀....去到大家狂叫...組長話你班友係咪啱啱放出嚟呀!

年初跟的組員去薘迎仙館拜太歲, 哈哈, 點知有人唔去行山上星期去咗還太歲.   原來今日已經立春, 不過百無禁忌, 總之有心嚟還就得啦.

可能係立春, 嚟嘅人又唔多喎.

吓, 做咩蓬迎仙館變蓬迎僊館?

行山已經好攰, 仲要跑呢的樓梯

最後仲要行上三樓元辰殿.  我都唔識架, 不過問入面負責的姐姐就可以啦.

咁謝完太歲就安樂哂啦.