芝士蘑菇雞撻

May 23, 2020, Saturday

上次整完個雞肉撻實在太好味, 今日又整過.

雞扒去皮切粒, 無需醃

上次用紅蔥頭, 今次用半個洋蔥, 礶頭蘑菇六粒, 全部切碎.  雞肉, 蘑菇,洋蔥用牛油炒香, 加鹽胡椒粉調味.  盛起備用.

再用牛油炒香麵粉

再加入少許雞湯(嗰粒冰就係雞湯), 再加少許cream 及鮮奶

將雞肉蘑菇回鑊, 無需要太多汁


煮起好似喧就得

預熱焗爐180度

先將急凍撻皮焗5-8分鐘, 再拎出嚟放入雞肉

放好雞肉後, 每個撻再加上四份一塊芝士.....好魔鬼呀!

放入焗爐180度焗15分鐘.

一出爐, 二公子吃了三個, 我及型爸還有二公子的女朋友吃了一個, Cindy一個, 再包起幾個比二公子的女朋友帶回家, 剩低兩個, 型爸話唔好留啦, 一人一個食埋佢啦....就係咁, 全部KO 哂.....相都唔得影就無嗮啦. 

嘿嘿嘿....我下次加的黑松露醬落去.....可能仲剎食呀!