大喜屋日本料理

2012年8月10日下午12:42公開累積瀏覽 1449 3

August 7, 2012, Tuesday

今晚約咗另外兩個好同事兼好朋友, 三個family一齊出嚟食晚飯.  大家相識多年, 看著大家的兒女出世.  以前常相約一齊打高球, BBQ, 但小朋友日漸長大, 一些出外讀書, 一些已經出來做事.  我們家長因為係同事, 有機會常常見面, 但各家孩子就很少機會見面.   今次趁著暑假, 讀書的都回來放暑假, 大家一齊出來食晚飯.  多年不見, 我地的兒女, 個個都變成靚仔靚女, 真開心呀!

之前要決定好邊道食飯, 我兩位公子就提議食日本菜....嘩, 我兩個大食仔, 去食日本菜, 一定要放題先攪得佢兩個掂呀!   同事的太太提議去大喜屋....有人提議就最好啦, 我地未去過, 一於贊成.  

 

呢間大喜屋喺尖沙咀彌敦道74-78號文遜大厦5樓
訂位都要兩三個星期前, 只有兩個時段選擇,18:00pm or 20:30 pm.  我地揀咗晚上六點.  仲要人數超過一半先可入座, 樓下等電梯都等咗好耐呀! 我地去到時間啱啱好, 已經有人排隊入座.


星期一至四HK$208+10%, 五六日HK$228+%.   午市放題就HK$188+10%


食物就自己挑選啦, 真係應有盡有.  不過呢的點菜嘅工作, 我地就交比的年青人做啦.


我地十二個人, 幾位公子點咗成百年魚生, 呢道影咗一盤, 其實魚生來了兩大盤


還好壽司只叫了兩款, 每款十二件... 我未開始食已經覺得飽


燒汁煮牛脷, 帶子


天婦羅, 炸物, 炸蠔, 炸魚, 炸芝士年糕


焗蠔羊架

仲有的小食, 喬頭, 田螺, 毛豆.  茶樹菇炒豬頸肉

到最後, 個個都飽到不得了 

  

我同另一位同事的太太都是八月份生日(哈哈, 佢地要睇身份証架), 餐廳送咗的一盤甜品比我地, 仲可以點著支煙火.   呢盤甜品好熟面口呀! 同金田嗰的咁似嘅.
  

另外每人仲有一粒雪米糍做甜品....呢餐實在太滿足啦...  

八點鐘Last order, 八點半就一定要離開還檯.   我見到佢地好忙呀!  要即時執拾好的檯, 下一輪嘅客人已經在外等緊排隊入座.

巳埋單每位HK$230...  咁嘅價錢, 真係ok, 唔怪得之咁旺場啦.