2017年4月15日 星期六

菜心苗雲吞麵

April 8, 2017, Saturday

久唔久都想食碗雲吞麵, 但五號屋家住偏遠, 想食雲吞麵都要開車出去.  懶呀唔想出去, 咁唯有退而求其次, 自家煮食急凍雲吞啦.

急凍雲吞, 其實東東出品嘅雲吞皇都幾好味, 但上星期超市做特價, HK$36.9有4包, 咁就買咗公仔點心出嘅鳳城鮮蝦雲吞試吓.

家中常備的蝦子麵

加的近期又平又靚的菜心苗

煮煮煮, 好快就攪掂

加杯小麥草

食時再加配的蟹油辣椒醬咁就very good啦.

咁急凍雲吞梗係無响麵店食嘅雲吞咁好食啦(突然想起龍記的大大粒雲吞, 下星期搵時間去幫襯).  但即時解解饞, 那軟腍腍的雲吞皮, 仲有那淡淡的鹼水味, 有雲吞都feel 呀!

食完在客廳攤抖時, 二公子突然從天台走落嚟, 話我地知對面山上好像著了火, 馬上天台看, 即時叫二公子報警.

星星之火可以燎原真係無錯架.   由二公子見到的火, 到報警, 到消防隊到來, 只是5-8分鐘時間, 由點點小火已經燒到好利害, 火場離我們屋苑只是一條馬路之隔, 我們隔著玻璃窗, 已感到熱力.  幸好當時沒有風, 沒有漫延到樹林下的民居.  如果大風吹我們這邊, 隔離屋的樹木一著火我們就要撤離啦.

一號路屋最接近火場, 他們已即時帶小朋友開車離開. 

幸好消防隊用了十多二十分鐘便將火救熄.....一額汗呀!

沒有留言:

張貼留言