大埔滘林徑

April 2, 2017, Sunday

呢排天氣唔好, 一時凍一時熱, 一陣又落大雨, 真係好多人病.  

今個星期幾個行山組員都請病假, 連最勤力的副組長都病了.   型爸本來都諗著請病假, 但唔想組長太失望, 昨晚食了藥早點睡, 今早應承行短途.

本來組長諗著今日行谷埔鳳坑烏蛟騰, 最後改去行大埔滘林徑.

大埔滘林徑其實非常好行, 但我地覺得無咩風景, 所以都好耐無行啦.

由大埔公路行到去林徑入口, 大約要15-20分鐘, 呢條長命斜我覺得係最索氣.

跟著就可以決定行藍徑或紅徑.   我提議先行紅, 因型爸唔舒服, 我地行吓舒吓筋骨就算. 行完紅徑, 我地先落山, 佢地再行藍.

其實行完紅路落山去大埔公路大約要20分鐘, 佢地由休息站行藍路落山要1小時, 我地落到去坐一陣, 無需得好耐

呢條都係大斜路, 但落山就一的都唔索氣.

仲可以响呢道休息吓.

哈哈, 我地坐落架車都唔夠一陣就收到佢地電話, 叫我地一陣去大埔墟火車站接佢地.  原來佢地諗著有型爸呢個柴可夫司機, 突然改變路程, 由大休息站行去大埔墟火車站.  仲沿路發的相比我地睇.   平時揸車, 一定唔會行呢段路.

去到大埔墟, 就响嗰道附近搵食啦.   佢地提議去陳漢記, 我地無所謂.

都係食吓粥, 腸粉

千祈唔好傳染, 用多兩雙公筷, 大家就食得安心的.