麥皮魚腩粥

April 17, 2017, Monday

放幾日假期都好地地, 昨晚燒烤都無食咩, 唔知點解一起身就胃痛, 痛到行又唔係坐又唔係.  Cindy今日放假 (緬甸新年) , 我地本來預備簡單的玉米片早餐, 但我胃痛唔想飲凍奶, 都係飲杯熱咖啡加片多士, 暖吓個胃.
 
下午型爸話出去買粥比我食, 但我怕出面的粥太好味. 叫型爸同二公子出去食, 返嚟買個魚腩, 我煲麥皮魚腩粥.

用即食麥片, 夠快呀!

用了一比四的比例, 煲好的麥皮, 再焗一陣


 
 型爸買咗魚腩返嚟, 切咗上半個魚腩放落的麥皮煮熟就食得啦.


淨番一半魚腩, 夠我今晚再食多一餐.

個胃頂著, 足足兩三天, 日日食胃藥胃散....呢個咩咩菌千祈唔好番嚟搵我呀!