2013年12月12日 星期四

紅色旅遊警示下的泰國優閒之旅 - Day 3


December 8, 2013, Sunday in Bangkok

昨天晚上遇到兩個唔係咁好的按摩師,  按到周身唔舒服, 攪到瞓得唔係咁好.  但習慣早起, 假期都唔會瞓到好晏.  今日非常舍意, 無特別地方要去, 只係去行街買野, 可以慢慢食個早餐, 再去游泳池hea吓, 下午先出動.
  

瞓得唔好, 先飲杯紅茶先, 呢款雖然係茶包, 但味道都唔錯架.



泰式豬肉粥

少許煙肉火腿

再食的水果...非常豐富



食完早餐去到泳池都只係九點, 只有我同型爸, 心中暗喜, 兩個人霸哂整個泳池.  不過都未開心夠五分鐘, 已經開始有好幾位外籍人士來到.

跟著仲有幾位韓藉人士, 玩到好嘈, 破壞了這裡的氣氛.   游泳前那坐大厦剛起好仍未入伙, 哈, 到時那座大厦的住客隨時望過嚟, 好似無咗的私隱喎.  (kakakaka, 下次嚟都未必會住呢間酒店, 我地想改去住Asok嗰邊呀!)

游完水, 又要攪一大輪先出得門口, 我地去Terminal 21, 酒店有免費shuttle, 慳番的腳骨力.        

又要帶呢個行理喼出動.  昨日去翟道翟都有帶去, 買咗野唔使拎得咁辛苦.

先落去酒店叫佢地幫忙訂今晚去Health Land按摩, 順口問吓佢地有無好泰菜餐廳介紹.  不過我地都未決定去邊食, 到時先算啦.   兩個人去旅行就有呢個好處, 可以去到邊食到邊.

酒店開tuk tuk送我去Terminal 21都只係需要幾分鐘

去到先上5/F醫肚, 行咗好多間食肆, 間間都好似無咩人幫襯, 但係food court 就勁多人.  型爸話都係唔好諗咁多, food court咁多選擇, 响道食算啦.   咁我梗係唔反對, 型爸去買野, 我負責坐喺道食,


兩碗什錦米粉, 每碗都只係30baht


我食魚蛋粉時, 食到的辣椒粉好辣, 型爸即買個椰皇給我解辣


呢碟泰式手撕雞幾好味, 都只係40baht


型爸最傻要了這碟炸素菜...的炸物腍嘅, 唔好味.


呢碟炒河粉唔錯呢!


很多人掛隊買果汁呢


我同型爸都要了兩款, 什果沙冰, 香蕉沙冰....

食完行吓Terminal 21幾層商場, 由上而下....都無咩好買喎....好攰!

 行到落樓下, 見到呢個招牌...去年食過好好味架...  快的入去tea一tea

好失望呀, 佢地話買哂....唯有叫兩杯野飲啦.

Hazelnut Latte, Green Tea Latte
  
我地行到好攰, 結果响呢間Chee World Coffee hea咗差唔多一個鐘.  跟著又要出發去超市.  不過都係好近, 隔離Robinson 地庫Tops supermarket.   椰子油, 調味品又買了一大堆, 好彩帶備拉喼, 唔係咁重點攞呀!

今日book了Health Land 19:30 按摩, 攞著咁多野又唔想返酒店再出嚟咁嘥時間, 決定响呢區食個early dinner.   今早酒店介紹嘅餐廳, 地點响Terminal 21斜對面soi 12行入去, 十分近, 酒店print埋地圖, 一於去啦.

跟著地圖, 非常易搵, 呢間餐廳叫Cabbages & Condoms restaurant...個餐廳名咁特別嘅, 見到個牌, 行多30M就到啦.

見到餐廳入口啦

有自家品牌工藝店

咁多公仔嘅. 

餐廳都幾大

而戶外嘅座位亦好多.  因為我地六點嚟到, 無咩客人

坐落送上蝦片

我地一陣要按摩, 只係叫的小食, 菜及湯.

海鮮沙律

炒通菜

冬陰公湯, 味道唔錯呀!

又係叫了呢兩款飲品.

我們的輕怡晚餐, 食物都唔錯

我地七點埋單, 為港紙三百幾文

埋單時送咗呢的野比我地....呆一呆, 唔識反應

收起碗碟, 睇吓張檯墊, 全部都係Condoms嚟架.

唔怪得呢間餐廳叫Cabbages & Condoms

再攞張咭片胏吓.

走時再沿路睇吓, 所有裝飾都與condoms有關

包括呢的公仔

所有衣服都係用condoms做成. 


包括呢個聖誕老人及鹿呀!

原來Cabbage & Condoms 有自己的resort hotel.   跟著再去art shop睇吓, 好多紀念品賣, 好多T-shirts都係用安全套作題材, 提醒要有安全性行為.  所有收益用嚟損助泰北的窮人.

離開Cabbage & Condoms見到一間好大的Spa House, 下次嚟試吓都好喎.  不過今次book咗Health Land, 酒店幫忙代訂, 佢地叫我地要準時唔好唔去, 如果唔係, 下次佢地打去就無credit啦.

+
行返去Terminal 21, 由天橋望落去, 那棵聖誕樹有三層樓咁高

下次我地嚟, 想住呢間酒店呀!
由Sukhumvit 21一路行咗十幾分鐘, 見到有個牌叫我地轉左....咦! 呢間餐廳鬼嫁介紹過喎.

呢! 餐廳斜對面就係Health Land

去到19:30, 時間啱啱好.

Health Land 嘅地方唔錯架, 比咗一個三人房間我地.  我又遇到個唔錯嘅技師, 按完好舒服呀! 你話我地係咪傻架, 每日最後嘅節目就係按摩.

按完都只係九點幾, 梗係唔會行番出去坐BTS, 响呢道搭的士返去酒店都只係35baht (今次嚟第一次坐的士)

早的返去執行理, 明天要返香港啦.

2 則留言:

  1. 我食完先見到, 無影響我. 反而有興趣知多的呢間係咩野機構

    回覆刪除