河背水塘

Dec 16, 2018, Sunday

上個月行荔枝窩之後, 跟著去咗旅行, 跟著又要攪裝修, 三個星期無行山.   今日其中一位組員提議行河背水塘, 仲話呢段路非常容易行,  咁梗係好啦.

開了兩架車, 泊咗响河背村對出一塊泥地.    行到入去, 原來有綠色小巴71號可以到.

行到入村口, 見到一棵大樹 (唔知咩野果樹), 寫著如自行摘果, 每個HK$30,000.   哈哈, 好激喎.   幅圍牆咁高, 真係有人擒上去摘?  

呢道有個牌, 寫著去大欖隧道轉車站大約10分鐘, 咁算唔算交通方便.

呢處係郊野公園入口

每之行山, 一開始就一定係大斜路(唔係點上山呀!), 所以頭段都係索氣.

行到半腰路望落去, 好多基建做緊....呢條係咩野橋呢?

行到去河背露營場...(都仲有咁多人喜歡露營)

我地就從營地則那條斜路繼續行

原來呢道有間青協有機農莊

即係有有機菜買啦.

見到有幾圍人在食野, 型爸就即刻去counter問有咩野賣, 原來只有飲品.   

仲有呢的.

好快我地就行行到水塘入口

河背水塘嘉樂徑

我地由左手面開始行, 佢地話圍著水糖行一圈就會由剛先見到嘅出口出番嚟.

呢道亦有另一條路可以行去基錦公路

原來有個竹林

亦都有小橋, 不過橋下無流水

呢道仲可以穿行去大欖涌水塘, 不過我地車泊咗河背村, 唔行啦.

行咗一圈再行番出洞背村, 來回大約行了兩個多小時回.

大家好肚餓....去邊道食好呢....一致同意....

粉領的至友美點, 呢道的腐皮卷, 鹹水角都係即炸, 非常好味, 點心也是即蒸, 糯米飯好味.   雖然坐得迫的, 但大家食得很開心....唔使加一, 每人HK$46, 大家食到飽飽回家.