2019年1月23日 星期三

稻香漁港青衣城

January 7, 2019, Monday

媽媽生日, 哥哥在青衣城訂稻香了兩圍, 幫媽媽慶祝.

媽媽九十幾高齡近年身體尚算可以, 但思維及記憶力就大倒退.  有時見她望著我的眼神有點猶疑, 個心就有點痛.  我問她我係邊個, 跟著佢就笑笑口話你咪我個女囉.   咁係邊個女呀...佢就話囡囡囉...哈哈, 平時佢都不會叫佢三個女兒做囡囡, 但佢講得出我係佢個女, 我都已經好開心.

稻香呢個餐單都算唔錯, 星期一至四, 都只係HK$2,288, 全包宴, 免加一仲有啤酒汽水, 經濟實惠

第一道菜乳豬全體, 相都未記得影就已經食哂, 因為通常第一道菜個個都好肚餓, 連媽媽都多吃一片...的皮夠脆呀!

上湯龍蝦伊麵, 有三隻Boston龍蝦, 都算唔錯

螺頭燉雞湯有兩盅, 足夠十二位用

脆皮穗香雞

醬皇炒元貝蘭花蚌


竹笙魚肚泡菜苗

杏香炸蟹蚶

珍珠龍躉班

甜品哥哥改了做壽包, 但呢道的壽包麻麻.

姪女買咗個好靚的生日蛋糕, 祝媽媽生日快樂, 身體健康.

沒有留言:

張貼留言