芝士火腿一口春卷 - Boxing Day 聚餐

Dec 26, 2018, Wednesday, Boxing Day

上次响泰國Siam Square 一間餐廳食過一客芝士火腿春卷醮芥末味沙律醬, 覺得好好味, 應該都好容易整.   今次Boxing Day 就整呢款芝士春卷.

材料好簡單, 就只係火腿芝士, 春卷皮

我包咗幾款size (用一大張春卷皮包一條, 半張及四份一張), 包比型爸同二公子試食.  型爸話最細仔條係最好食.....梗係, 咁細條, 相比起的餡料滿哂, 包咁細條有的難度, 功夫多的.

包呀包呀...包咗九十幾條

首先炸咗一半, 相都未影, 拎到去就好快已經食哂.   呢一碟係第二輪, 的油無咁清所以有少少燶.  我預備了兩款醬汁, 一款係千島醬.   兩款都好受歡迎呀!

另外再預備了鵝肝醬麵包....的鵝肝醬係秘書小姐去烹飪班覺整的....好好味呀!

今晚的聚餐話到明全部以小食為主, 而主食就只有一款...主人家整的朋越式牛骨湯河.

八號屋好主人亦都帶來了一碟意式小食

仲有半條煙三文張...食落好肥美, 正呀!\

組長買了鵝頭鵝頸掌翼, 一樣好受歡迎

都無分幾時係Happy Hour, 幾時係晚餐, 大家坐伍就開始飲開始食

今晚主打要了....牛骨湯好正,  我同女主人撲咗幾檔牛店都無牛骨賣, 結果去到大埔先買到牛骨.  呢個牛骨湯(要加桂皮, 香葉, 草果, 兩個洋蔥, 糖鹽) 煲第一日兩小時, 焗一晚, 第二天再煲兩小時已成, 一的味精都無落, 個湯超正呀!

結果食到捧著個肚.

响梁九記買咗個New York Cheese Cake, 拎埋比大家分享.

今晚唔飲得太夜, 好多位明天要上班呀!