Dec 11, 2016, Sunday
上星期因為去了泰國旅行沒有去行山, 今天當然唔會偷懶啦.
唔知係咪去泰國連做三天泰式按摩, 鬆咗腿筋, 覺得腳傷好咗好多, 當組長昨晚提議話行新娘潭, 我一口叫好, 精神爽利, 無需要再分開分段行啦.
去到南涌, 先到觀音廟/天后廟拜神...咦, 又有祭祀慶典, 問吓係咩, 原本係還神(咁早嘅!)
跟著行落去龍王廟
全部都放滿祭品呀!
跟著出發啦.....
一口氣行到行到直昇機坪... 好索氣, 我都係行得最慢嗰個 (中途仲停咗一兩分鐘)
上到直到坪, 附近的草生得好高, 影唔到山腳, 一陣去到尤德亭再影
跟著指示牌行, 一行過直昇機坪, 就開始行山路
好耐都無行過呢條橋啦
組長帶我地行條short cut, 好快就到尤德亭
呢道影落去就清楚好多
抖一陣又繼續行
呢程全都係山石路
都係睇著指示牌行, 好清晰的
行到山頂了, 呢道係十字路, 可以去四個不同方向
咁我地梗係向新姦潭方向啦.
呢段石路砌得實在太靚
呢段聽到流水聲, 但看不到瀑布
一過呢個石牌
呢段已經係八仙嶺自然教育徑
呢段路其實頗難行, 但我地迎面來見到好多行山者, 好多都是上了年紀....勁呀!
跟著落山....行行行....
呢道就係終點, 出到去新娘潭路
對面有一停車處, 組長之前同副組長合作, 先泊了一架車在這裡, 我地就好方便, 上車再去出發點取回另一架車.
對面都係八仙嶺自然教育徑, 但我地就無行過.
本來我地想去沙頭角海景茶餐廳, 點知去到已經結業... 咁我地出返粉嶺
幫襯樂斯餐廳
六個人都好肚餓, 每個人都叫份午餐, 每人幾十文, 又攪掂一餐
今日行完山覺得攰, 但腳筋唔痛, 睇嚟已經好番九成啦!
沒有留言:
張貼留言