粥底蒸氣海鮮鍋

September 4, 2016, Sunday

今天投票日, 早上做完家務, 同型爸第一時間先去投票.   無論支持那一個政黨, 都一定要去投票.

星期日, 可以多做的家務事, 又有時間去買海鮮, 今晚就嚟個海鮮粥底火鍋.

買咗海蝦, 東風螺

花蛤, 龍躉, 九肚魚及羔蟹

當然仲有手打魚蛋同豬肉丸啦.   為咗二公子, 當然要有肥牛

今次都係用個自製蒸鍋.....用基本邊爐鍋, 加個30cm蒸鍋....哈哈, 啱啱好呀!   清水煲滾, 加了一杯米.

我仲洗緊的菜, 型爸已經急不及待....

對我嚟講, 最美味係個粥底呀!   清水落米 到食完的海鮮, 粥底已經好綿.

只需落少許鹽及胡椒粉.....真係好好味呀!   呢個鮮味, 真係好難以筆墨嚟形容呀!