會講野的電飯煲

August 20, 2016, Saturday

Cindy放假, 由我接手個廚房, 我就未停過手, 不斷係咁抺係咁洗.   平時我煮的話, 都係Cindy洗, 但現我見到嘅就清潔程度就唔合我心水.   個電飯煲做咩咁污糟, 個萬能煲又係咁污糟....唉, 係咁洗洗洗....洗完突然醒起, 我買咗個Cuckoo電飯煲, 做咩唔拎出嚟用, 呢個洗乾淨收起, 第日用嚟整黑蒜都好吖.

 
哈哈, 呢個飯煲買咗超過半年, 農曆前送到, 諗著新年用. 一路都懶無教Cindy點用, 而家拎出嚟, 我自己用先, 到佢返嚟再教佢用啦.

一開機佢第一句竟然講韓文, 我呆一呆, 到第二句講廣東話, 咁都好的, 又唔係買水貨, 如果要翻譯就攪笑啦.   好易用, 按幾吓制就可以.   煮到咁上下, 就話比我知炆緊飯, 煮到就嚟好就通知會排出蒸汽, 煮好就叫我用飯勺拌勻的飯.

 
咦, 煮起真係好有飯香喎.

洗乾淨個萬能煲, 煲番個竹絲雞野生牛肝菌無花果湯.

焗燒排骨

今日二人晚餐, 兩餸一湯

平時唔食飯嘅無飯夫婦, 都為咗個新電飯煲煮嘅飯食番的啦.   的飯真係好軟熟, 但又唔係爛飯, 咬落去好依韌, 的飯又真係幾好味喎.

唔錯.