蔬菜天婦羅

September 30, 2017, Saturday

今晚嘅聚餐, 除了整燻蹄, 仲要加多一樣.    想要做小食, 又要做餸, 不如整蔬菜天婦羅啦.

整蔬菜天婦羅, 最重要唔係的蔬菜, 係個炸漿.   我唔係用日式嗰款呀.   係用上次收音機聽番嚟嘅百搭炸漿

自發粉 10g, 麵粉 60g, 油 30 g, 蛋白 50 g, 啤酒 (凍的) 90g.    本來80g 的啤酒我加到90g, 的漿不稠不稀, 我覺得啱啱好.   我另外再加了少少鹽及胡椒, 等的炸漿有少少味呀!

呢一大堆就係我要的蔬菜, 有秋葵, 蕃薯, 南瓜, 三色椒

整炸物真係好唔得閒呀, 第一round炸咗呢盤, 每款都有八件, 呢份係Happy hours 六點至八點食的.

到第二round, 知道佢地鍾意秋葵及蕃薯.   就加碼炸秋葵及蕃薯.   另外再炸了魚柳.  炸魚柳醮的蒜味沙牛醬, 好好味呀!

個炸漿真係好薄,  不過放耐咗的炸皮都會變腍,  效果最好係的秋葵, 好脆呀!