2014年8月12日 星期二

I Cafe

August 6, 2014, Wednesday

呢間I Cafe真係幾好生意, 我地去過幾次, 每次都好多人等位, 見咁多人, 通常都會即走去第二間.

今日麻煩鬼同事又話有事要遲的出去, 咁我同慢麼麼同事先行.  橫掂都要等人, 咁去I Cafe 試吓.

哈哈, 去到又唔使等太耐, 等兩張檯就得.   麻煩鬼又到嘞, 咁就啱啱好.

上次試過的蕃茄湯好鬼酸,今次要忌廉湯.

慢麼麼同事雖然慢, 但佢會揸定主意, 知道自己想食咩.  馬上要了雞扒豬扒螺絲粉加好立克.

麻煩鬼同事就真係好麻煩, 一陣又話想同我share 兩款餐, 點知每應話無哂沙律, 跟著又話唔想share, 要食雞扒豬扒意粉.   到聽到侍應話仲有最後一份沙律, 跟著又話要同我share.

哈哈, 午餐啫, 無咩所謂啦, share 唔share 都照食啦.  咁share 就share 啦.

呢一客係雞漢堡配薯條, 點知的雞漢堡入面仲係凍的, 退貨, 再換過一份.

呢外一款係海鮮pizza配沙牛, 呢款又幾好味呀.  同麻煩鬼同事每人一半.

個雞漢堡重新整過再送嚟.  不過的雞漢堡係唔好味架, 嚡烚烚.  下次千祈唔好叫呀.   的著條就新鮮炸, 幾好味, 但我只吃兩條, 麻煩鬼又吃兩條, 其他全部請慢麼麼食...哈哈, 真係害咗佢呀!


呢兩杯野又要讚一讚喎.   今次雪糕紅豆冰供應, 取而代之係呢款, 蘆薈椰果蜂蜜茶, 好味呢!  都係一樣要加HK$8.

今餐超夠呀!  包呀pizza, 全部都好飽肚.

不過食吓食吓, 呢間又麻麻, 嗰間又麻麻, 出嚟午餐, 越嚟越少選擇呀!

沒有留言:

張貼留言