馬家莊

August 8, 2014, Friday afternoon

H8 8樓馬家莊去過好幾次, 但食過幾次之後, 覺得呢道的食物麻麻地, 又其是湯麵.

但麻煩鬼同事好鬼麻煩, 今日只得我同佢食晏.   佢話好想食雞絲煨麵, 去馬家莊好唔好.  唉, 佢咁樣請求, 去就去啦.  但我已經同佢講, 呢道的湯麵唔得, 烚到好腍, 的麵發大了, 無彈力, 唔好食.  不過佢想去就遷就一下.   咁的野唔夠好, 但又唔係咁難食啫.

去到H8, 見到好多間食群又轉手了, 樓上餐廳, 生意難做呀!  要支持佢地, 久唔久都要嚟食吓啦.


麻煩鬼即係麻煩鬼, 本來話要食雞絲煨麵, 來到又諗三諗食, 跟著又話要食雞絲炒麵.   一食落去又話都唔係即炒, 好似炒定翻熱攞出嚟.

我唔知揀咩, 結果要了牛俠担担麵.  呢道的牛肉係用牛鍵整的.  有4薄片吧.   食落的麵都係唔得.  返要個担担麵湯就唔錯.

今次食完都係同一評價, 我唔喜歡的麵.   又要等好耐先會再嚟食.