2014年8月2日 星期六

日本四國之旅 - Day 2

July 26, 2014, Saturday

早上六點十五分morning call, 七點落去地下餐廳食早餐


餐廳幾大, 但食早餐嘅人都好多, 但大部份都係日本人, 唔係我地香港的團友

我地出發啦, 首先經過呢條群島大橋, 經過啫, 我地去參觀另一條日本三大名橋...

就係呢條錦帶橋, 呢條古橋好幾百年歷史,用嚟修補嘅古木, 每條都好貴架....哈哈, 幾貴都係要嚟踏架啦.


過了橋經過公園

我地去招財進寶白蛇館

呢道係展覽館入口

入面無咩野胏, 只係得幾條白蛇

呢條係標本

哈哈, 唔使兩分鐘就睇完啦.

天氣真係好熱,三十幾度, 我地過拱橋嚟呢道參觀再行出去, 個個都已經身水身汗, 好彩已經帶備夏天出外三寶, 雨傘(擋太陽), 紙扇及毛巾.

出到去路口, 有好幾間商店都係賣雪糕

好誇張架, 呢道有100款口味

型爸要了呢款提子雪糕, 我要了芝麻雪糕, 都幾好味架.  不過天氣好熱, 食得慢, 的雪糕都即刻溶呀!

臨上車前, 影番張靚相先.  的風景真係幾靚嘅.

我地跟著去食午飯啦. 呢道出名食釜飯

今次坐呢的長檯, 似番的旅行團餐啦

每人一份

嚟廣島,就有廣島蠔食

呢份係雞肉釜飯, 釜飯, 即係煲仔飯.  呢個煲仔飯幾好味架.

仲有麵豉湯同茶碗蒸蛋.  的麵豉湯好黑好濃, 我唔like呀, 但茶碗煎蛋就好好味.

呢的廣島蠔嘅汁太濃呀, 好鹹, 唔啱口味.   好彩有個釜飯, 不過多到食唔哂呀!


食完飯, 下一個行程就係去參觀廣島原爆紀念館.

呢道就係個原爆中心點, 爆後唯一剩下的建築物

未入去原爆紀念館前, 先去一處平和紀念公園,

呢處有關一個日本小女孩, 原爆後患上白血病. 小女孩很想快點離開醫院, 她媽媽給以她鼓勵, 說只要摺好一千隻紙鶴, 便可以出院, 可惜未接夠一千隻紙鶴, 小女孩便離逝.  很多地方學校, 機構都紛紛摺上紙鶴, 為小女孩送上祝福.    最後所有的紙仙鶴都送到了這地方, 起了這平和公園作為紀念.  來到這裡的人, 都會敲响鐘, 送出祝福.

道遊說, 平和紀念館入面, 有些相片看後令人不安, 所以現在已經不包門票, 要看便需自費入場.  價錢很便宜, 只需50日元.

我同型爸一定入去睇啦, 外面天氣咁熱, 入去睇可以嘆冷氣呀!

好多人入去參觀呀, 有日本, 外國人, 中國人又唔係太多.

睇呢兩個模型就知係點啦.... 未爆前及爆後, 只剩下少許建築物, 其他所有都消失哂.

當天是八月六日...

參觀其中, 確實見到當時的慘況, 但並無想像中的不安.  並沒有日本侵略中國時, 從照片中見到的那種血腥.   唉, 都係唔講啦...再提又嚟中日矛盾

參觀完畢, 我地返酒店啦

今晚住廣島麗嘉皇都國際酒店.  呢間酒店都唔錯呀.


酒店隔離係Sogo

跟著行落去就係地下街.

我地行落中央8
由中央5出口出去行高店街.

我地要認著地方, 晚上要自己回酒店.  其實兩個出口好近, 只係相隔一條街.

哈哈,今日又有錢派, 為了方便我地去行街, 旅行社每人給1,500日元我們自行吃晚飯, 非常好, 多的時間行街, 自己想食咩就食咩.

我們一行四人, 去了一風堂食拉麵

呢道嘅menu好簡單, 只有幾款麵

價錢都唔貴

 
型爸哥哥都要了啤酒, 唔飲酒, 有免費凍紅茶飲...好消暑呀!

檯上有多款前菜, 可自行加入麵內.

嫂嫂要了唔辣的豚肉拉麵

我, 型爸, 哥哥, 都要了五度辣麵.  不過一的都唔辣呀!  的湯好濃味, 都幾好飲, 不過加咗辣的湯, 變鹹多過辣.

要了兩口餃子, 的餃子好細隻, 一啖一個

的拉麵都唔錯.

哈哈, 又有野送呀, 送咗一風堂紙扇.   好啱用呀!

走時先發覺另一面條街有間一蘭拉麵...香港嗰間都無去過, 呢間又miss咗添.

跟著返酒店去Sogo行吓...見到千層蛋糕, 睇好啦, 唔買.


跟著買的蘋果同巨峰提子...哈哈哈哈, 點知擺哂烏龍, 呢的唔係巨峰嚟架.

食落先知係布冧.   哈哈, 諗著係巨型的巨峰, 點知係文迷係布冧.

今日好攰呀, 行咗好多路, 要早的休息呀.   明天又係六點十五分morning call.


沒有留言:

張貼留言