本揚半生手打烏冬 + 白菜雙丸腐皮湯

August 16, 2014, Saturday

星期六放假, 又摷吓個廚櫃有的咩野好食. 

呀!  差的唔記得仲有日本帶回來嘅半生烏冬添.  呢包係到達高松機場時, 每人送一盒.  拆開嚟睇, 幾好喎, 仲有中文說明書, 教點煮呢的烏冬.   我上次煮嗰盒係自己買, 六人前, 全日文.

 

提議落多的水煮, 等的烏冬盡量發開, 仲可以去咗的鹹味.  我上次覺得的烏冬好鹹, 係用個煲太細, 的水唔夠多呀!

 

包豉油都有教點樣用, 如果做汁就加140ml 凍滾水, 如果做湯就要加400ml.

不過我無諗著用呢的豉油, 因為我今日的配料同湯都全中式.

落多的菜

上次同型爸二火鍋晚餐時, 剩咗一半手打魚蛋同牛丸, 仲有腐皮

 
加埋煮咗個白菜雙丸腐皮湯

的烏冬都煮好啦, 用凍滾水沖洗一下的烏冬, 撈上嚟放上盛器.   其實可以將的麵放埋落的湯, 但又會唔同食法.

我同型爸的午餐.  咁樣食, 的烏冬真係好彈牙, 型爸一路食一路讚呀!

哈哈, 仲有兩包呢的半生烏冬存貨, 下次再整.