Istantbul 土耳其餐廳

August 22, 2014, Friday afternoon

豆豆媽咪好耐無同我地一齊食飯啦, 佢害喜一路都唔舒服, 到而家差不多四個月先好的.  今日話同我地一齊食晏, 歡迎之至啦.   咁啱慢麼麼同事要同教友午餐, 結果我地都係三人行.

我地比兩個選舉豆豆媽咪, 一係去I Cafe, 一係去土耳其餐廳, 佢話未去過土耳其餐廳, 咁就去試吓啦.

唔使諗, 上次嚟呢道食過, 的雞卷好好味, 叫了一份同佢share.  

因我個胃仲唔係幾掂, 一次過食唔到咁多, 我個份就唔食著, 呢個包裝好方便, 隨時拎走都得.

 
 另外再叫了一份牛肉飯, 又係同佢share.  呢的牛肉睇落好乾, 有的擔心唔好味添

 
 我取了少個一半, 呢半份留比豆豆媽味.

食第一啖時, 覺得的牛肉有陣羶味, 但好奇怪, 越食就越好味.  的白米飯同平時食開嘅米不一樣, 好香好軟呀!   讚!  我食半碟就夠啦,  至於件雞卷, 留番一陣三四點食藥前先食啦.

 麻煩鬼同事要了羊肉卷,佢話幾好味喎.
 

佢地要了凍土耳其檸菜.

而我要了熱飲, 我覺得唔要檸檬淨紅茶好飲的.

呢餐我地覺得都幾好味架, 食了半份飯, 個胃都無咁重.

呢排出去食午餐, 我都自備一個膠盒, 食一半, 帶一半走, 分開食, 小食多餐, 減輕胃部負擔.