輕鬆美食晚餐

July 31, 2014, Thursday Night

昨晚我有的唔like Ruby, 我去完旅行回來在家休息一天，跟著黃昏出去買野。返到嚟諗著有飯食，點知佢竟然無煮飯。 我問佢點解唔煮飯呀，佢話屋企無餸，哈哈哈，呢個理由都比得我，我打開個雪櫃，隨隨便便都可以煮三幾味出嚟啦.  就算唔煮餸，有牛扒有意粉, 又或者煮麵水餃咩都得啦。  我地去咗幾天旅行, 己經懶咗幾日, 我返到嚟都仲唔煮.  唉，算啦，佢做多二十幾日就約滿，而家講咩都無用，閒事一件，我地出去食。

昨晚想去小廚知味，嘩好多人要等位，唔等啦，走咗去強記大排檔。不過強記昨晚的小炒同蒸班頭腩都唔得呀。

今日Ruby放假，放工回家，我地都係出去食，再去一次小廚知味，哈哈，一樣要等。咁即係話呢間的小炒真係好得，如果唔係點會weekday都咁多人嚟食。不過我同型爸都係的唔想等位嘅人，熱辣辣企喺出面等三張檯，no way la.
 
咦，隔幾間鋪仲有一間小店叫輕鬆美食，午餐嚟食過但晚市未幫襯過, 一於去試啦，最重要有位唔使等。

坐低見佢有兩三款套餐，二人/三人/四人, 唔想諗，要了三人馬拉套餐，HK$207
　

每人一碗例湯，木瓜雞腳湯

咖哩牛腩，的咖喱汁好好味喎。牛腩就麻麻，係牛肋條嚟嘅。

馬拉盞蝦米炒椰菜，都幾好味


仲有香茅豬扒，都幾好味

每個餸都跟一個白飯，型爸同二公子轉了油飯（呢道有海南雞飯，所以有油飯供應，不過我地無叫海南雞）, 每碗加HK$3.

 

三餸一湯，HK$213

快快趣趣又攪掂一餐。呢道的小炒都OK, 但無小廚知味咁多選擇。　但對我地嚟講就多一個選擇啦。