平安夜, 邊爐夜

December 24, 2014, Wednesday night

今年平安夜, 老闆比我地特別假期唔使返工,  真開心呀, 五天聖誕假期開始.

型爸昨天上了國內見客, 今天約佢在國內見面, 一齊去按摩.

哈哈, 早上林太Whatsapp我, 問有無興趣打邊爐, 咁梗係有啦.  呢的日子, 後生仔女梗係去哂拍拖, 而林家大公子同二小姐又在國外讀書, 咁我地四個人, 一齊食晚飯有伴, 幾好呀!

按完摩返嚟就去林家食晚飯....真開心呀!

林太預備了豐富的邊爐配料:

龍躉頭腩

 

海蝦

象拔蚌

手打牛丸

本地生蠔

肥牛


炸魚皮

仲整埋個皮蛋芫茜豆腐湯底

一開始先焯的蜆比我地食, 好鮮甜呀!

蒜蓉辣椒+沙茶醬, 打邊爐必備

今晚非常豐富呀!


兩位男士飲Whisky, 而我帶了柚子酒同林太共享

我無整野去, 但燉咗個天麻魚頭湯, 打完邊爐飲呀!

聖誕節, 咁我梗係帶咗份禮物比林家小公子啦.....佢上次生日許願, 話想要一個機械人...咁聖誕就比佢願望成真啦.

打完邊爐仲有大量生果.....實在太足夠了!

今天剛食完, 又要明天, 林老闆又話要食煲仔飯, 仲話佢的龍躉頸腩食唔哂, 明天再繼續燉湯, 咁明天輪到去我家呢!