富金酒樓

December 26, 2014, Thursday night

少吃多滋味, 多吃壞肚皮.    我昨晚食完都已經覺得有的頂著頂著, 點知半夜四五點瞓瞓吓, 頂著好唔舒服, 跟著上吐下瀉....

 
 Cindy今天放假, 佢煮咗碗麥皮比我先出去, 但我見到都唔想食.   結果呢碗麥皮, 比我加咗水再煮變成麥皮粥, 做了我的午餐

晚上約了鄭小B一家來我家, 好耐無見小B(真係唔可以再叫佢小B, 佢都五歲啦), 妹妹十四個月大我都只係見過一次.

今日唔舒服, 無法在家宴客招呼, 晚上大家一齊出去食.

 
 呢間响上水清河村唔知係富金定富滿酒樓(行入去前都無留意)

 同埋一齊食, 型爸林生林太都無事, 就只有我一個腸胃炎, 我見到的野一的都唔食.

但型爸好開胃呀!


 先叫了沙薑豬手....我見到都唔想食, 但攞咗的花生, 用水洗哂的油, 用嚟送白粥

 
 呢道的白粥好好味, 唔知係咪加咗師傅.

佢地叫了龍蝦伊麵

酥炸生蠔(二公子至愛)

啫啫雞煲


粉絲肥牛煲

以上嘅我全部都無食.  

只有呢碟炒豆苗, 我夾起用的滾水洗洗先至食.

佢地話的小菜炒得幾好味, 但我個胃唔舒服, 一的食嘅興緻都無.

不過食完再打包一碗白粥, 今晚唔知個胃點, 費事到時要自己煲呀!