年初三五號屋團拜

February 18, 2018, Sunday, 年初三

今日真高興, 又要我的家人團拜的日子.....真係好堅呀!  後來影團體相時數一數, 連大夾細加埋兩位工人姐姐....四十一人呀!   未齊人架, 仲有七位在外國未計入來呀!

一早定粟米水, 放入呢個大缸裡面, 要飲就自已嚟, 唔招呼啦.

下午就焗年糕, 煎蘿蔔糕芋頭糕比佢地食

再煲個粟米蕃薯粥

咁多人梗係要分流啦

年輕的任部在戶外燒烤.  雞翼, 西班牙豬扒, 蒙古羊, 安格斯牛扒, 什丸, 辣腸, 司華力腸...一大堆

買咗一盒澳洲sea Frozen大蝦, 隻隻都長過手掌

加個綱就可以懶的, mass production

至於年紀大唔鐘意燒烤

有素鵝

粉絲蝦米煮肇菜, 另外仲有一碟素炒什錦, 唔記得影啦.

燻蹄

仲有芋頭炆臘味.

再加埋叫的年輕人燒的雞翼, 羊架, 黑毛豬及牛扒....真係咩都夠啦.

預備咗咁多野, 咁多人, 都係食唔哂呀!

我整日都騰嚟騰去, 好忙但又唔知做咗的咩, 攰到腰痛呀!

哈哈, 佢地個個多謝我出錢出力出地方招呼大家. 

咁一年一次無所謂啦.

晚上九點幾要送客啦, 我地仲要執行理, 明早七時半出發去旅行呀!