台北金瓜石九分十分五天遊 - Day 1

February 19, 2018, Monday, 年初四

過年忙了好幾天, 今天卒之可以一家人去旅行.

今次呢個行程有的特別, 我地係為咗支持慢魔魔, 佢在金瓜石買了間屋, 上手做民宿, 佢想繼續做兼遲的移居台灣.  咁多年同事加上幾年無去台灣, 咁就應承呢個假期去住, 慢魔魔安排行程.

早上國泰10:25 機, 去到人唔多, 過移民局唔多人, 最多人係買data card, 要排隊呀!

預約了一架的士, 桃園機場到金瓜石, 台幣1,800元.

要一小時才到, 呢道頗偏僻, 上山轉轉轉 (佢地叫九曲十三彎).  就係呢間小屋.

入到去, 呢個係廳

廚房

樓上一層, 我們就住上面

上面有大廳, 共有四個房間, 慢魔魔說兩天後有兩位女士加一位小孩住這邊

我們就住呢邊

睇吓的房屋....睇吓的房間及設施....中伏, 明明是"住家", 什麼"民宿"

看見洗手間就頭痕, 乾濕沒分離, 沖涼時全部濕哂, 點攪呢?

型爸話唔嚟都嚟到, 可以點,  放低的行理出去, 今晚返嚟先算.

今日無另外租車, 慢魔魔帶我地出去, 先去附近景點, 再坐公車出饒河夜市

 

　去到車站附近, 型爸話先食的野, 要咗鹽酥豬扒及牛肉麵....唔得呢....

行了水湳洞黃金瀑布、十三層遺址....怎麼好像很熟, 諗諗吓, 好幾年前我地去九分時都已經嚟過.

慢魔魔問我地去唔去茶壺山, 黃金博物館, 型爸話唔去啦. 咁我地出饒河夜市 (型爸及兩位公子都係以飲飲食食為先)

咁我地坐公車出去, 台幣93元一位, 都要坐45分鐘.

一落車行幾步就見到呢間飽店, 對個起司(芝士)包有興趣, 買一個大家share嚟食.  的芝士好淡味, 個包就好軟熟, 都好味.

跟著就行入去開始掃街...

一口牛....食

芝士雞...又要食

整杯飲品先

燒魷魚...又食

台灣涼果, 都買番兩包

起司餃子...又食

灌湯小籠包...又食.

究整臭豆腐....又食

呢款長薯條好過癮, 用薯泥做, 經過部手壓機成長條落在的滾油裡, 炸到外脆內軟, 幾好味喎.

行到街尾, 見到那檔胡椒包....排哂長籠....梗係唔排隊寧願唔食啦.   二公子話上次同女朋友嚟有排隊, 但非常失望, 的包唔好食呀!

行到有的攰, 型兌話搵間好的嘅餐廳坐低食晚飯.   點知搵極都無, 最後去咗一間海鮮酒家, 點知話要等兩小時....哈哈, 唔好路啩!

結果去咗呢間無咩人的小店 (亦都無咩人招呼)

我地唔係好餓, 要了三份四個人食.  另外叫了一客肉醬千層麵比慢魔魔.

等咗好耐, 個石鍋飯送到嚟, 又幾好味喎.

 墨汁蛤蜊意大利麵都唔錯.   

跟著我同二公子走咗去買野, 叫佢地食完去搵我地.

食完飯再坐公車回金瓜石.

其實對慢魔魔呢間所謂"民宿"真係有的頂唔著, 二公子非常要乾淨, 佢最憎個洗手間濕淋淋, 所以要比佢第一個沖涼先.   連浴簾都無, 沖完整個洗手間都濕哂, 連放乾毛巾乾衣服嘅地方都無, 都唔好講話放化妝袋...呢的咁嘅"民宿"點做生意呀!

為免大家有負面情緒唔開心, 大家講的開心事, 嘻嘻哈哈, 頂唔著都要勉強頂著...快的瞓啦.