台灣金瓜石九分十分五天遊 - Day 3

February 21, 2018, Wednesday, 年初六

今天早上又係食白烚餃子. 我地一早叫佢個partner, 唔好再整的白烚麵, 費事整咗出嚟我地唔食啦.   昨天在金山老街買咗個麵包, 一於做埋早餐. 可惜呢道無焗爐, 無微波爐, 無得翻熱.

十點半我地訂的車到咗, 又出發去玩.

先去黃金瀑布,  影吓相咁啦.  都有的遊客, 不過唔係太多

今日大霧, 睇唔到呢個金剛山呀!

跟著司機開到海邊, 由下面望上去十三層遺址 (同第一天由上向下), 有不同的景色

跟著去十分睇另一個瀑布

本來以為落下放唔到天燈, 又唔係喎.  真攪鬼, 响條鐵路路軌道放, 有火車嚟就走鬼.  火車開走後就繼續.   其實咁多人放天燈, 最終咪吹到好遠跌落嚟做垃圾.   但放天燈做就了呢道好多生意.

放完天燈先去食的野, 都係隨便搵一間, 有位就行入去.

隨隨便便又食一餐.   不過食食吓型爸收到台灣朋友的電話, 知道我地嚟咗台灣, 今日一定要我們出去台北食晚飯.    咁我地又Flexible嘅, 自由行, 行程由我地訂, 車又係自己租, 去邊都得.  不過去食飯就去到到浸溫泉啦.

去完平溪就去猴硐

 
呢道出名係猫咪.  大公子的女朋友好鐘意猫猫, 叫佢响呢道買的手信比佢.

跟著去猫村館食的野

點菜之後就走去行吓百貨店

全部都同猫有關

呢道當然有鎮鋪之猫, 全部都唔怕, 好鐘意比人摸架.

飲完咖啡要起行, 我地要去九份老街買野, 跟著仲要出台北食晚飯呀!

呢道九份超繁忙, 落雨人多真係好煩

不過我地都係繼續行, 繼續買嚟食.


點都要食番個.

跟著我地就叫司機開車載我地出台北

台北朋友訂了鐵板燒

呢餐梗係豐富啦, 大家都食得好開心.

同台灣朋友傾咗之後, 我地決定在慢魔魔那邊住埋今晚, 明晚搬出台北.   回程時先Whatsapp慢魔魔, 等佢有個心理準備.

今晚佢仲多三個人嚟著, 我地覺得好唔方便. 雖然佢話會叫兩位女士同一位小朋友用樓下嘅洗手間沖涼, 但佢個風筒裝咗响大廳, 洗完頭要企响出面吹頭, 一家人無所謂, 多了外人始終都係唔方便..

早上洗的毛巾依然濕 (呢道超潮濕又無抽氣扇, 又無乾衣機), 叫慢魔魔比的乾毛巾我地, 佢竟然比一條, 吓, 我地四個人喎....算了算了, 講都嘥氣, 住埋今晚都走囉.  我們住三天都已經係好比面佢架啦.