翡翠拉麵小籠包

February 17, 2018, Saturday, 年初二

年三十晚同年初一都好忙, 今日年初二終於可以休息一吓.   我都叫Cindy放假, 等佢都可以抖一抖, 因為呢兩日都做到佢傻咗, 人心肉做, 自己攰唔通工人唔攰咩.   叫佢放一天假, 明天我的家人嚟, 又要由朝做到晚呀!

我家三位男士都對我好好, 本來我話今天可以整意大利粉比佢地食, 但佢地話唔想我煮又要洗, 出去食啦.   咁我就梗係照單全收啦.

二公子話去荃灣廣埸Ruby Tuesday, 佢話好耐無去過.  跟著仲可以同大公子買的野.

哈哈, 不過去到我話唔想食西餐, 咁就改咗去翡翠拉麵小籠包

做飲食業真係辛苦, 過時過節都係要開工.

不過辛苦歸辛苦, 新年都應該要笑容多的, 但係嗰日個經理木口木面, 雖未至於無禮貌, 但感覺唔良好囉.

但完全影響唔到我一家開開心心食午飯, 有講不完的話題, 不斷的笑料.

呢個新年餐牌, 唔知係咪已經加咗價

要了雞絲粉皮

小籠包

鍋貼

上湯炒年糕

雞絲鍡麵

兩位公子話唔夠

再加了菜磅蟹

紅油抄手

型爸要了排骨擔擔麵, 哈哈, 有趣...全部分開上....排骨同麵分開都覺得係啱的

再另外比一碗擔擔麵醬, 就真係好特叮啦...好似呢碟醬另外收錢咁.  唔通平時要擔擔麵都係比碗麵再另外比一碗醬?

埋單HK$559.90.  都係加一啫, 唔使加二加三

食完行一陣都係快的返屋企, 第一要回去準備明天家人來拜年, 再者唔想兩隻寶具弧獨在家呢!