緬甸魚湯麵線

March 10, 2018, Saturday

下午先食完拌麵, 點知型爸突然話好想食緬甸魚湯麵線.

要食緬甸魚湯麵線就搵Cindy出手啦, 唯一要做, 就係去買魚腩同香茅.

買咗一個大大的魚腩, 但Cindy話只係兩三個人食, 唔使咁大個, 咁就切起上半部, 留起嚟蒸.  


用個鑊加的水, 放入魚腩及香茅 (葉同梗, 最嫩嘅部份已經切咗出嚟), 再加魚露

煮熟個魚腩, 留起的湯

將魚腩拆肉去骨, 哈, 拆起又好似好多肉喎.

跟著薑, 蒜, 紅蔥頭, 香茅(嫩的部份), 放入搥盅, 搗成蓉.

米粉及鷹咀豆粉 (沒有烘過的), 加水開成糊狀

用油先將搗成蓉的香料爆香, 加入黃薑粉一起炒

跟著加入魚肉再爆香, 盛起

盛起時我見咁多油, 將的油隔番出嚟.

之前煮魚的湯放入鍋內, 加入鷹咀豆粉糊, 紅蔥頭 10個8 個

跟著加入魚肉

 
另一個鍋烚4隻雞蛋

再煎魚餅

另外再整一小碗炸蒜/紅蔥油

兩隻雞蛋切件, 另外兩隻切碎放入湯內

另外預備了檸檬, 芫茜, 辣椒粉

再炸了一的越車米餅

今次無用河粉, 用咗呢款麵線呀!  呢款麵線煮起都幾好食呀!

睇吓的魚湯煮到幾濃, 雖然濃但少的鹹味.  跟著加多少少魚露就perfect 啦.

食得啦....本來大公子返嚟時想整比佢食, 但都無時間.  唯有send呢張相比佢睇吓....哈哈, 攪到佢港哂口水呀!

Yummy Yummy, 型爸食咗兩碗, 我食一碗都其實都夠啦, 但太好味, 再食多半碗.   

Very full 呀!