台北金瓜石九分十分五天遊 - Day 2

February 20, 2018, Tuesday, 年初五

早上起來, 慢魔魔的拍檔為我們預備了早點...白烚麵條+白烚水餃....我地能屈能伸...無味都食一的.  一陣出去, 邊道都有野食.

今天開始, 每日都包了一架大車(九人車), 今天仍是台灣連價, 要六千台幣.   型爸話大家坐得舒服的...要大車唔要七人車.

第一站我地去野柳地質公園

 

 要睇女皇頭 (有髮髻的) 同俏皮公主(馬尾)

行了差不多一小時, 型爸覺得很多地方可能經人手修葺, 不是全部天然...哈哈, 咁樣講因著比人打呀!

跟著行野柳的商店街, 大部份都係買花枝及魚鬆

咁我地每樣都買的嚟食吓啦.

 

 跟著就去咗金山老街, 我地都去到邊食到邊, 買吓手信, 買多個手做麵包, 明天做早餐都好吖.

整個早上都下雨, 越落越大, 跟著都唔知去邊好.  的士叔叔就提議我地去法鼓山...我地無意見, 佢話免費入場, 好多人去聽佛法.   但我地都係抱著去參觀多的, 至於聽佛法就唔好阻人地的位啦.

去到真係大開眼界, 有人損及花了這麼多的錢起了這紀念館.  我們的車只可開到停車場, 跟著就要坐這裡的shuttle bus 上山.   全程並沒有收費.   講真咁大地方, 維修費都花唔少.

參觀完畢, 剛巧有一堂演講,  但我們不參加了, 免得聽聽吓中途退出就唔好啦.

呢道望出去本來都應該幾靚, 可惜大霧又雨...咩都係灰濛濛呀!

坐車離開時, 經過法鼓山文理學院.

下一站慢魔魔提議去朱銘藝術館, 我地無意見, 咁一於去啦.

呢道係入口,, 睇吓個地幾濕, 跟本未停過落雨.

入到去見到間cafe, 型爸又話tea 一tea 先.

跟著先買票入場, 每位台幣250

呢道覺得好值得去睇呀!

跟著下一站去基隆夜市.  哈哈, 嚟到呢道又係食啦.

坐低點了海鮮, 跟著大公子二公子出去買同我分別去買的不同嘅野返嚟一齊食.

我去對面買潤餅

大公子二公子去買餃子雲吞

的海鮮嚟啦....食完夠未?  哈哈, 梗係未啦.

跟著再去食螃蝦羹及油飯.

呢檔好多人幫襯, 好彩咁啱有人起身, 咁我地先有位呀!

食完再去超市行一陣, 不過仲有姪女想要買嘅拌麵未買到呀!  唔怕, 仲有幾日.

返到去沖涼時, 又有的唔開心.   落雨又潮濕, 的毛巾又唔乾, 厠所入面又無抽氣扇, 又無乾毛巾點攪呀!  

型爸話明天要去浸溫泉, 沖完涼先返嚟, 咁咪得囉!