情人節晚餐

Feb 14, 2018, Wednesday

今日真係好忙, 因為返埋今日, 農曆年假就正式開始.  

放工後匆忙回家, 又要為我心愛的男士們預備情人節晚餐.   今晚無人幫手呀, 因為Cindy放假, 唔比佢放唔得啦, 因為由明日開始佢要幫我做野,  跟著我地去旅行佢又唔可以放假.  咁比佢放假休息吓先啦.

咁今晚嘅晚餐對我嚟講都係好easy, 無難度的.

龍蝦湯, 現成樽裝, 只要加cream, 加的XO  (咁最好就係加的熟龍蝦肉啦), 煮好就得.  非常美味.

煮湯時就整埋個頭盤.  阿拉斯加觸腳配鹹牛油汁 (牛油再加點鹽又或再加點檸檬汁).  非常好味.  呢的蟹腳係八號屋男主人從海深威幫我們買回來, 急凍的, 只要解凍醮鹹牛油汁就已經好好味.

跟著再煎鵝肝...

還有蒜蓉牛油芝士焗龍蝦.  每人半隻

煎澳洲M4和牛, 一塊煎熟的, 一塊生少少

的澳洲M4和牛好正, 煎熟的都好腍, 加的鹽同黑胡椒都已經好好味.

今晚只得我同型爸及大公子, 而二公子約了女朋友 (哈哈, 咁嘅日子梗係要同女朋友食啦)

不過佢話一定點要留返一份比佢消夜.   哈哈, 咁留就留啦...不過佢當晚無食呀, 留到第二天先食, 咁梗係無咁好味啦.