五號屋的部落: 2010 Thai Trip

2010年12月21日星期二

2010 Thai Trip - Day 1

2010年12月21日下午2:21公開累積瀏覽 611 0

花咗比預期多嘅時間, 先至整理好泰國之旅嘅相, 還好雖然過咗成三個星期, 都可以好清晰咁寫番個遊記出嚟.

Nov 26^th, 2010 Friday, Day 1, Thailand Trip
每年年底都會去泰國旅行, 眨下眼咁多年, 已經成為習慣. 以前得我同型爸兩個, 近幾年多了兩個朋友一齊去. 有時兩個人, 去玩去食會單調的. 多兩個人食野就更加好啦, 可以叫多的唔同野食.
安排咗中午12點45分機, 早上10點開車出門, 時間非常鬆動. 到機場停車場都係差唔多10點40分. 朋友已經比我地先到達, 仲啱啱泊好車.
而家去短途旅行, 通常都會揸車, 將架車泊响機場, Car Park 2 HK$200泊三天, 加一天HK$70, 平過坐的士. 又方便的.
先攞行理去TG Counter check in, 跟著去Priority Pass Lounge 食番過免費早餐先. 我地boarding 响gate 42, 而個lounge响gate 40, 非常方便
今次個lounge即製嘅魚蛋米粉都幾好味(要自己調, 本身的湯好淡), 不過的辣椒好辣…仲落咗好多添, 食咗少少就走啦, 因為一陣仲要食飛機餐.

上到機, 起飛無耐, 的空姐就開始serve飲品同nuts

幫朋友太太預先order咗生果餐, 估唔到佢比兩隻蕉佢, 真係笑死我地.

而我地嘅飛機餐唔係太差, 不過主菜食唔落, 淨食蝦沙律同奶凍.

落機後叫咗一架比較大嘅的士, 由機場到酒店. 今年經travel agent 介紹, 訂咗Metropolitan Bangkok Hotel. 點知嗰個的士司機唔識路, 搵咗好耐先搵到. 間酒店屬小型boutique hotel, 左手面好高嗰間係Banyan Tree, 而Metropolitan 就响右手面好矮白色嗰楝. 跟著幾日, 遇啱的唔識路嘅司機, 我地就叫佢去Banyan Tree, 跟著可以再指示去Metropolitan條路. 去到酒店都差唔多五點.

入到大堂check in, 見到酒店嘅設計都好優雅, 酒店設備齊全, 泳池, 健身室, 全部都有.

上到房間, 已經有waiter 送來熱茶. 我地等的行理上埋房, 坐咗一陣就出發. 臨走前叫酒店幫我地book定今晚去Asia herb association做按摩.

跟著坐的士去Erawan Shrine拜四面神

拜完神就行過去睇以前Sogo百貨公司, 但現在已改為Amarin, 不過我地都無入去睇. 跟著上BTS站, 望過去Central World 嗰邊仲係圍著板, Big C 都仲係封咗未開.

跟著我地坐BTS去Phrom Phone, Asia Herb Assocation 响同一條路, 我地就順路去LemonGrass食泰菜. 呢間之前都嚟過食幾次.

因為一陣間要按摩. 都唔敢食太多, 叫咗的啤酒, 小吃, 炒碟菜, 米粉&冬陰公湯. 以前呢道的生蝦好好味, 今次加咗價(再加埋的港圓匯率低), 的野貴咗無咁抵食. 最仲要係我地覺得的食物質素差咗, 的冬陰公湯竟然唔得. 睇嚟下次都唔使再幫襯.

食完行出去唔係好遠, 就到咗我地去過好多次嘅Asia Herb Association. 佢地共有四間分店响Bangkok, 清邁有一間. 今次揀咗呢間响Sukhumvit 24(近Phrom Phong station). 睇返的價錢, 呢幾年都係一樣, 無加價喎. 我揀咗做傳統泰式按摩, Baht550 兩小時, 而型爸就喜歡香薰按摩, Baht1,100兩小時. 另朋友同佢太太都係揀傳統泰式按摩. 每次做按摩, 每人可蓋印一個, 夠10次就送按摩一小時. 但幫襯咗咁多次,都未試過儲夠10次. 今次三日儲夠10次, 但我地都要走lu, 下年唔知可唔可以用呢?

按完出嚟都差唔多十點, 我地搵地方宵夜, 揀咗我地喜歡嘅街邊粉麵.