Green Monday - 阿善素食

Feb 29, 2016, Monday

放完假返嚟第一日, 又係忙到傻哂啦.   其實咁又幾好嘅, 越忙就覺得越有價值.

今日麻煩鬼唔得閒, 只得我同慢魔魔食晏.   我突然想食素, 問佢好唔好, 哈哈, 佢竟然話好喎.

咁就去漆咸道嗰間阿善啦.

呢間阿善都好耐無嚟, 因為呢道的侍應姐姐服務態度真係有的特別, 有時唔係好貢得著, 耐咗唔記得又嚟啦.

 以前三十幾文, 而家HK$40, 都好正常.  睇完之後, 我揀A, 麻煩鬼素揀E.

 每人一碗倒湯, 佢地話叫萬壽果湯, 我都唔知係咩, 入面有的豆呀, 紅蘿蔔同粟米.  都幾好飲架.

 呢碟梅菜東坡肉又幾攪鬼, 的肉都幾似

 咬落的肥豬肉, 係蒟葯嚟架.  素肉都整成咁.  其實我覺得素就素啦, 麵筋都係咁食.

 什菜煲都幾好味.

呢餐Green Monday 都幾好喎, 以後每星期都食一日啦.

今早早餐麵包麥皮果仁生果, 都係素嚟嘅.   如果晚上都唔食肉, 咁就真係Green Monday 啦.