2012年11月18日 星期日

南乳吊燒雞


2012年11月21日下午12:43公開累積瀏覽 1042 1


買咗樽南乳吊燒醬嚟整南乳吊燒雞呀!


雞一隻洗淨, 早一晚用鹽略醃, 今天攞出嚟洗淨風乾, 先塗上一層南乳吊燒醬, 吸收後, 再塗上另一層南乳吊燒醬

預熱焗爐220C
 

焗25-30分鐘

差唔多得啦.

攞出嚟好似有的燶, 但其實ok架.

呢碟南乳吊燒雞, 味道都唔錯架.
張貼者： 於 沒有留言:
標籤：

羊腩煲


2012年11月21日上午11:45公開累積瀏覽 1343 0

 
呢道差唔多兩斤呀!
 

先用白鑊將羊腩爆香

加的黑糯米酒

再加水, 煲滾後滾幾滾, 將水倒去, 將的羊羶味去除

汆完水的羊腩好靚仔喎

要預備其他的配料啦.

枝竹兩條浸軟


馬蹄10粒去皮, 唔想咁大粒可以一開二

果皮一塊, 薑厚切(多的)


將的薑炸一炸

盛起備用

用蒜蓉起鑊


爆香南乳同麵豉

加羊腩爆香

加酒, 今次係加米酒

加水, 薑, 馬蹄, 果皮, 生抽調味
 

記得要加粒冰口糖呀!
最後加枝竹.  我用鑊大約炆咗一個鐘, 唔夠水就加熱水.


跟著轉落康寧煲再炆, 最後就試味. 調啱個味就得啦.

羊腩煲攪掂啦, 又嚟第二味.
張貼者： 於 沒有留言:
標籤：

2012年11月17日 星期六

強記大排檔 - 上水街市大排檔


2012年11月17日下午1:52公開累積瀏覽 370 1

為咗方便去接Loki, 我地去咗上水街市大排檔食飯....去到仲有位, 但係坐低之後,  越嚟越多人, 真係估唔到咁好生意呀!

我地一坐落, pet shop就打電話嚟, 話同Loki沖好涼啦....吓, 快咗成個鐘喎, 咁我地都要食完先去接佢架.

落咗單啦, 知唔知佢寫咩.

召尤....即係椒鹽鮮魷

羗介...即係薑汁芥蘭

并大 - 煎蠔餅..大碟

朱肚...即係胡椒豬肚湯... 但係我覺得似鹹菜豬肚湯, 不過飲落都有的胡椒味.


旦白反...哈哈, 呢碟個廚師卒之睇錯啦, 整咗白飯魚煎蛋, 最後換過比我地.

呢道的小炒都ok喎, 不過呢道嘅廚師煮野全部偏淡, 椒鹽鮮魷跟本無落鹽, 我地都係靠醮的汁嚟食.  芥蘭都唔覺有落鹽.  煎蠔蛋一樣要靠醮醬汁嚟食. 除咗個胡椒豬肚湯十分"好味", 碟瑤柱蛋白炒飯仲一的味都無.

的野雖然淡的, 但絕對接受得到, 反而食完唔口渴添.  下次會再嚟.

食完就好心急去接Loki啦.  佢一見到型爸就嗚嗚嗚啦, 但係一上車就好乖一的都唔出聲啦.  我地三個一齊去接佢, 佢梗係開心啦.
張貼者： 於 沒有留言:
標籤：

2012年11月14日 星期三

林大公子&林小B生日BBQ


2012年11月14日上午11:35公開累積瀏覽 189 0


好多不同款式嘅燒烤食品

五號屋好懶, 主要都係不勞而獲...


九點幾就先切蛋糕

五號屋煲咗冬瓜茶&腐竹雞蛋湯水...


甜品仲有型爸喜愛嘅雪糕涼粉...仲有大量生果

今晚又超吃了....

張貼者： 於 沒有留言:
標籤：

2012年11月13日 星期二

家傳滬曉 - 大埔超級城


2012年11月13日下午1:17公開累積瀏覽 696 0

去咗青衣城聯邦酒樓飲茶...叫咗都唔知幾多點心呀!


最可愛係呢個流沙奶皇包, 同佢影張相啦.   仲好好味添.

早上飲完茶, 忙完接接送送, 先有時間攪的私務.   攪掂完, 型爸話要去大埔超級城....佢想買的芝士同風乾火腿同林老闆飲酒呀!  

去到大埔附近大塞車, 轉入去大埔超級城反而可以避一避, 希望過得一兩個鐘就可以通番哂啦.

下午都唔知食咩好....

見到家傳滬曉...是但啦.

隨便叫咗個二人午市套餐
型爸唔鐘意飲酸辣湯, 但佢就我. 佢話好酸, 嘻嘻, 我又唔覺喎

四喜烤夫

雞絲粉皮

干燒河蝦仁, 呢碟真係唔得呀, 超鹹...

鬆子黑醋排骨, 又係差, 的肉又嚡又韌, 味道過甜.  型爸食一嚿已經唔食啦.

呢個獅子頭又唔得, 的肉食咗落去, 好似"納"著個口.  食咗兩啖又放棄.

我地選擇小籠包, 唔要菜飯.  呢樣還好.

三樣主菜都唔掂....

埋單加一加茶錢, 盛惠HK$268.40.

點解呢間家傳滬曉攪成咁, 照計King Parrots Group旗下都唔會太差架.... 呢間嘅主廚真係要檢討檢討.

食完野去一田買咗的芝士同風乾火腿就返屋企啦....交通變番正常...唔使塞車啦.
張貼者： 於 沒有留言:
標籤：
訂閱： 文章 (Atom)