為咗方便去接Loki, 我地去咗上水街市大排檔食飯....去到仲有位, 但係坐低之後, 越嚟越多人, 真係估唔到咁好生意呀!
我地一坐落, pet shop就打電話嚟, 話同Loki沖好涼啦....吓, 快咗成個鐘喎, 咁我地都要食完先去接佢架.
我地一坐落, pet shop就打電話嚟, 話同Loki沖好涼啦....吓, 快咗成個鐘喎, 咁我地都要食完先去接佢架.
落咗單啦, 知唔知佢寫咩.
召尤....即係椒鹽鮮魷
羗介...即係薑汁芥蘭
并大 - 煎蠔餅..大碟
朱肚...即係胡椒豬肚湯... 但係我覺得似鹹菜豬肚湯, 不過飲落都有的胡椒味.
旦白反...哈哈, 呢碟個廚師卒之睇錯啦, 整咗白飯魚煎蛋, 最後換過比我地.
呢道的小炒都ok喎, 不過呢道嘅廚師煮野全部偏淡, 椒鹽鮮魷跟本無落鹽, 我地都係靠醮的汁嚟食. 芥蘭都唔覺有落鹽. 煎蠔蛋一樣要靠醮醬汁嚟食. 除咗個胡椒豬肚湯十分"好味", 碟瑤柱蛋白炒飯仲一的味都無.
的野雖然淡的, 但絕對接受得到, 反而食完唔口渴添. 下次會再嚟.
食完就好心急去接Loki啦. 佢一見到型爸就嗚嗚嗚啦, 但係一上車就好乖一的都唔出聲啦. 我地三個一齊去接佢, 佢梗係開心啦.
旦白反...哈哈, 呢碟個廚師卒之睇錯啦, 整咗白飯魚煎蛋, 最後換過比我地.
呢道的小炒都ok喎, 不過呢道嘅廚師煮野全部偏淡, 椒鹽鮮魷跟本無落鹽, 我地都係靠醮的汁嚟食. 芥蘭都唔覺有落鹽. 煎蠔蛋一樣要靠醮醬汁嚟食. 除咗個胡椒豬肚湯十分"好味", 碟瑤柱蛋白炒飯仲一的味都無.
的野雖然淡的, 但絕對接受得到, 反而食完唔口渴添. 下次會再嚟.
食完就好心急去接Loki啦. 佢一見到型爸就嗚嗚嗚啦, 但係一上車就好乖一的都唔出聲啦. 我地三個一齊去接佢, 佢梗係開心啦.
沒有留言:
張貼留言