電飯煲蕃茄牛肉蛋飯

November 22, 2014, Saturday

呢排網上大熱嘅電飯煲蕃茄飯, 咁好玩, 我想試好耐啦. 


今日响街市買咗大肉茄, 即刻試整.

我無留意人地的receipe, 總之煲飯都係咁上下, 落咩野配料又隨個人喜好, 咁我就整蕃茄牛肉蛋飯.


先將牛肉醃好


兩杯米洗淨放入煲內


大肉茄先用牙籤刺孔(方便蕃茄快的腍).  再放上米面.  加了一杯半雞湯 (平時兩杯米要兩杯水, 但加咗咁大個蕃茄應該代替半杯水啩).  再加了的海鹽及黑胡椒調味.  蓋起, 按製煮飯.

 
的飯煙企時, 開蓋加入已醃好的牛肉.

 
將一隻蛋打散


再倒的蛋上牛肉面.   我唔加的蛋直接加落的米係驚的水份太多, 的飯會過腍呀!   蓋起繼續煲至熟....飯熟後最緊要焗吓先開蓋

煮好將的飯拌勻打鬆....哈哈, 成功....

飯煮好, 軟硬適中(型爸話ok, 我就喜歡的飯再軟少少), 但味道都係一般啫, 無講到咁好味.  可能我落咗牛肉, 煲咁耐的肉有的嚡呀!

下次就算再煲都唔使用飯煲啦, 用個Berndes, 明火咪煮仲快的.

呢餐除咗煲飯, 仲有其他餸.....

 
蒜蓉白菜仔

 
梁九記買的即食鱔, 一焗就食得.  不過的鱔用好腍,用廚剪剪開, 攪到咁肉酸.  下次都唔會買.  我鍾意食盤龍鱔, 的肉爽口彈牙呀.

 
南北杏雪耳蘋果湯, 喉嚨唔舒服, 要清潤的呀!

兩餸一飯, 我同型爸撐檯腳, 都算係咁啦.

結果, 那煲飯我同型爸每人裝了一碗, 剩下嗰半煲比Cindy食哂....勁大食!

澳美日三牛大比拼

November 21, 2014, Friday Night

今日生病, 睇完醫生去咗一田買野先返屋企.  Cindy咁啱又放假, 但我又唔想煮, 但型爸話好想食牛扒. 咁食牛扒都好, 我唔使煮麻, 拎個電煎pan出嚟, 邊食邊煎咪算囉.  喉嚨發炎食牛扒都應該無問題啩.

今日買咗澳洲和牛肩, 上次買咗鹿兒島和牛, 仲有响Cyclon買嘅Black Angus, 不如就嚟個澳美日三牛大比拼都好喎.


啱啱買的澳洲和牛 306g HK$146.90


呢塊係鹿兒島和牛, 222g HK$219

 
呢塊Black Angus, 唔知幾重, 應該都係300g 左右, 上次買咗三塊有大有細共HK$300, 呢塊係暖大, 應該HK$110-120啩.

屋企仲有Cheddar Cheese Leek Pie

仲有蔬菜薯餅

呢的都係唔使煮, 放入焗爐就得.

先食澳洲和牛, 肉眼嘅關係, 肉質好腍, 有的牛肉鮮味

跟著前Black Angus西冷, 呢塊肉質粗的, 也有牛味.

最後係日本和牛, 油脂分佈好, 入口鬆腍, 一樣好味.

三款牛扒都覺得好味喎, 型爸話款款都買得過食得過(即係廢話).....咁係咪第一可以考慮唔使買日本和牛呢?  價錢貴一倍有多....

的牛扒都未食完, 二公子就話想食鵝肝....呢的野, 我梗有存貨啦.   好彩係真空包裝, 只需用水沖沖解凍, 放落煎pan煎嚟食就得.

加埋蔬菜薯餅同Cheddar Cheese Leek Pie, 好滿足

响一田買咗柚子果汁酒, 型爸又要即刻開嚟飲.   呢款柚子果汁酒無上次八號屋請我地飲嗰的咁甜, 酒精度都有8%.  我飲少少咋(病人係唔應該飲酒架), 型爸口渴, 當果汁飲.

今餐全部用煎及焗, 簡單就整到一餐, 型爸同二公子仲食得好開心添. 不過型爸好似唔記得咗我係病人(佢話病人都可以食牛扒補補身)  雖然呢餐唔使點煮啫, 但煎煎焗焗, 都要洗碗架.... 佢話留番Cindy返嚟洗咪得囉.

咪攪, 我又無請佢食牛扒, 唔想剩番的碟比佢洗呀.... 辛苦命, 都係自己洗埋算啦... (我真係病架, 洗完碗早的休息好過啦).

Sky100

November 19, 2014, Wednesday

Sky100聽咗好耐, 但從未去過.  成日都覺得呢的地方都係遊客去多的, 除非要招呼朋友, 平時真係好少為咗睇香港嘅景而要比錢上去睇風景

Fuji Xerox响Sky100攪咗個two days event, 本來都無諗著去, 但sales誠邀, 今日食完晏, 抽咗兩個小時去出參觀一吓.

我都係第一次去, 坐的士响W Hotel 落, 再由商場行過去

入去次後上呢條扶手電梯, 嘩, 頭都暈呀!

坐呢道嘅升降機上393m, 上49層

 

好似唔使一分鐘就已經上到去

入去會埸經過呢條走廊....大地在我腳下

上到去除咗參觀的booth, 咁當然影吓相啦.

不過天色灰濛濛都好難影

要影室內就更難, 因為會場有好多人

呢道就係好多爭議嘅西九地盤

外面個天真係好濛...嘥哂.

睇咗個幾鐘, 呢道就係近出口嘅位置.

走時又經過呢個長廊

仲有呢條好似時光隧道, 兩面一停顯示Fuji Xerox

睇完落到地下, Sky100開放時間由早上十時至晚上九時.

多謝佢地邀請, 唔係有排都唔會嚟參觀呀!

病假

November 21, 2014, Friday

喉嚨唔舒服咗幾日, 每日都係食吓川貝枇杷膏同龍角散....最終都係頂唔著, 卒之比型爸二公子傳染咗, 喉嚨痛, 頭痛又流鼻水, 要請病假睇醫生.

型爸同我一齊去美孚睇家庭醫生.  預先book咗, 都要等個幾鐘


睇完隨便响美孚搵間快餐店食就算, 翠河餐廳, 都係第一次嚟.

哈哈, 家樂牌,咁的食物即係有落雞粉啦.

午餐有多款選擇, 求其叫一款

我要了C 餐, 叫咗唔夠兩分鐘拎出嚟(即係煮家放响到) 都無諗著會好食, 但估唔到, 的意粉係熱嘅, 味道亦唔差.

型爸要了G餐, 的梅菜扣肉睇落好乾, 但食落又唔乾, 幾好味添.

每人一杯熱飲, 埋單HK$80.   兩份快餐, 無期望但比想像中好.

食完型爸話去一田買的野先返屋企, 無問題, 順路啫.....

但係估唔到, 原來一田大減價開始, 超多人....但已經泊咗車, 無法都要去買....結果買野只需二十分鐘, 但排隊比錢要四十五分鐘.   買野都只係免費泊車一小時, 平時買二百文已經有免費泊車三小時....

真係好攰, 買完快的返屋企, 唉, 今晚都係要自己落手整, Cindy放假呀!