龍豐粉麵

December 25, 2017, Sunday

龍豐藥房响上水開到成行成市, 未認真數過, 十幾二十間真係無走雞...我諗個老闆真係發到不得了.    但粉麵店, 我見到都只係第一間.

呢間粉麵店開正佢其中一間店對面.  哈哈, 我都幾肯定係專做水貨客行意.

粉麵唔算貴, 都ok,

 

仲有飯同飲品供應

嚟呢道, 食牛什河啦, 都ok

型爸要了牛腩都麵, 佢話的牛腩都ok

對正佢間藥妝店

粉麵店响正三角路口.  側門嗰邊通常封著, 比的水貨客放喼....平時的喼多到百幾個好壯觀.

今日算少, 得十個八個喼.    個老細真有生意頭腦.   用公家地方去方便的水貨客, 叫警察嚟都無用.  所以有頭腦 無得講.

的粉麵唔貴, HK$32一碗,一味道都ok.

 

平安夜聚餐

December 24, 2017, Saturday

今個平安夜, 我地同幾戶鄰居一齊聚餐呀!

上次去組長家, 佢地話我整嘅蒜泥白肉好好味, 今日整比其他鄰居試吓.

先調個汁先.  今次用了蒜蓉三湯匙,  醬油膏3湯匙, 麻油3湯匙, 陳醋 2湯匙, 水3湯匙, 糖小許.   試味後再加加減減, 總之啱自己口味就得啦.

腩肉汆水再用萬能鍋煮20分鐘,  雪凍再切片

排好在碟, 加上醬汁.  至於中間, 我整了苣筍, 配芝麻醬

另外再整了拍黃瓜

主人家在越南買了兩款火腿凍肉, 另外仲有米紙餅

一睇呢的就知係食咩....非常正宗的越南牛湯河.   個湯底正到不得了, 主人家用牛骨加香料淆了兩天做湯底, 完全沒有落味精, 好味道不得了...  食了一碗已經好夠, 但忍唔著, 又加了少少...真係夠到要坐到好直呀!

 

 

 

差的唔記得, 林太整了滷水牛展及什果沙律

Mrs Kua 買了兩個蛋糕, 本來同Auntie 慶祝生日, 但Auntie 突然個肚唔舒服 唔嚟啦.   唔緊要, 我地切一件送過去.

另外仲有一個栗子蛋糕...

 

大家又過咗一個開心的晚上.

 

八方雲集餃子店

December 23, 2017, Friday

趁著放假又去整吓三千煩惱.....又去到老年咁遠嘅香港仔 (無辦法, 呢個髮型師啱心水).

今日都算快, 三個幾鐘就攪掂.   車泊香港仔中心停車埸, 呢道有泊車優惠, 如果在香港中心消費滿HK$100, 就可以半價泊車.   HK$26 一個鐘, 半價就HK$13.   咁點都消費一下啦.

呢道附近有間八方雲集, 食餃子的.  可以去當食下午茶

呢道的食物都算經濟

我地見到兩位女士, 不停包窩貼及餃子, 新鮮包, 咪好正

我同型爸要了同一套餐, 窩貼台灣麵線餐, 每份袤餐有窩貼5隻, 麵線一碗, 仲有豆漿一杯, 都只係HK$37.

 

兩份餐共10隻窩貼, 不過味道一般, 唔覺美味, 但又唔算難食, 非常普通

 

豆漿就大大杯

麵線細細碗, 味道又係一般啦.


型爸心多, 另外叫多十隻水餃, 味道都係一般

呢道全部都係用紙碟, 用完即棄.   唔知係咪老闆計過數, 用即棄餐具平過請洗碗工人

計過數, 埋單超過HK$100, 可以有泊車優惠呀!

 

越來越愛

December 21, 2017, Thursday

今日在家唔煮啦, 下午同型爸出去食.  突然醒起嗰日開車經過上水清河村附近 (真實地址就唔知啦) 開咗一間新餐廳....離遠見到.....越...越...,  車開得有點快, 睇唔清楚...嘻嘻  今日去睇清楚.

越..越....

係越來越愛呀!


咦! 有包裝食物, 即係有外賣.


見到個越字, 以為係越南餐廳, 不過晚餐餐牌又唔覺好越式喎.

要了個羊腩煲仔菜, 羊腩煲非常好味...正

連白飯大大碗

咖哩大蝦煲, 不過的咖喱就唔得啦, 的蝦亦煮到過哂火

 

天氣凍食呢的煲仔又幾曼暖嘅..

 

 

餐飲要了即磨咖啡, 又幾好喎!  不過我飲幾啖咋, 怕飲咗瞓唔著呀!

 

下次可以再嚟, 不過就唔會叫咖哩啦.

 

富臨冬至晚飯

December 20, 2017, Wednesday

今年提早食冬至飯, 再加上奶奶生日, 一次過做呀!

姑奶負責訂位, 又係抵食全包宴

有乳豬

竹笙海皇燴燕窩

白灼海中蝦

爆炒龍鳳球.   即係蝦球雞肉呀!

脆皮炸子雞

金蒜蒸帶

 

花膠扣日本菇

 仲有菜肉包

奶奶生日, 當然要加壽包啦.

甜品有杞子桂花糕.

訂了兩圍, 大家又食到飽飽.

雞絲娃娃菜炒韓式年糕

December 20, 2017, Wednesday

今天開始連放十幾天假, 到2018年1月2日先返工呀!

今次假期, 無安排去旅行, 因家裡要裝修, 間屋好混亂, 放吓假執吓間屋啦.

雖然話放假, 在家都要做公司野, 無得休息呀!

今日第一天放假, 午餐整個炒年糕食吓.

用咗雞扒, 洋蔥娃娃菜做配料

今次用了韓式年糕, 先用熱水浸軟

跟著加埋落的配料, 加調味, 炒炒炒

咁就攪掂

另外再蒸的小籠包....咁四個人就夠哂食啦.