豆腐皮餃

Jun 14, 2020, Sunday

疫情開始之後,  生活模式有點改變, 很多時都在家網購. 

今日介紹的豆腐皮是從台灣網購回來的.


此款豆腐皮很薄, 但有韌性不易穿.   一包有25塊, 而一塊剪開可成四塊


看, 真的很薄

碎豬肉先調味,  加人一個蛋白拌勻


香菜先焯熟, 切碎搾乾水份


菜與肉拌勻

今次用了急凍蝦仁,  不需與菜肉拌勻, 只需包餃時每隻加入一隻蝦就可以

一包時就發覺有問題,  原來豆腐皮無黏力, 用了少許豆粉水也不可以, 那就包了幾款形狀試試

用水煮了幾隻, 味道可以 但皮薄, 煮熟皮會散開來...不適合煮湯餃.   無問題, 改煎餃

索性包長形

一捲兩邊壓便算

就是這樣, 包了76隻

平底鑊一次煎十多隻

滿滿一大碟, 但今天五個人吃, 餃子較細隻, 怕型爸二公子唔夠鮑

每人煮個米粉.   哈哈, 呢款米粉都係網購, 在天貓超市買, 直送到香港

呢款米粉, 非常好味.  米粉幼滑, 下次要再入貨.

真鮑仿鮑

Jun 13, 2020, Saturday

鮑魚很多人都喜歡吃, 我家二公子都唔例外, 但佢除了喜歡食乾鮑鮮鮑之外, 還喜歡吃仿鮑.  所以久唔久咩都整吓, 滿足吓口腹之欲.

今日開咗一礶九頭鮑魚,  用蠔油整咗的汁, 但落老抽時個孔太大落多了, 所以咁深色.

仿鮑就唔使煮啦, 解凍就可食.

整多碟生菜

每人一份撈麵

真仿鮑撈麵

配多杯檸檬蜜糖, 美味的午餐

Pizza 二人前

June 11, 2020, Thursday

又是一個要上班, 下班後要趕回家自己煮晚餐的一個晚上.

今日有幾個選擇比型爸 (當然是要他昨天決定的)

A) Pizza 二人前
B) 雲吞麵
C) 砂鍋雲吞雞
D) 焗燒雞
E) 火鍋一鑊熟

大爺要A餐....20分鐘有得食...

Four Cheese Pizza

仲有Fish Finger

兩個人是食唔哂的....  仲可以留兩件pizza 明天午餐吃....嘻嘻, 真慳家呀!

晚餐仲配特飲, 無糖 Lime Soda....

哈哈, 咁又攪掂一餐, easy!

粥底海鮮蒸鍋

Jun 6, 2020, Saturday

平時去買餸都係型爸負責開車, 我去買.   今日去大埔泊架車入停車場, 型爸同我一齊去買餸...
一見到的海鮮, 佢就話要今晚食粥底海鮮鍋... 嘻嘻, 邊有我拒絕吖...

 韓國大蜆, 蟶子

 龍躉腩, 本地生蠔

 鮑魚, 海蝦

 今日主打 -新鮮龍蝦.   咩都唔整, 先蒸龍蝦....好美味呀

 

跟著逐一落鍋蒸, 而鍋底下一開始已經加水落米

 食完海鮮最後先食牛肉及菜...但已經好夠

 鯪魚肉無蒸, 係直接放落粥底鍋

 嘩, 點飽都好, 呢個粥底的味真係濃到一少得了.

 剩低最後一碗比型爸掃埋

食完撐到唔想郁.

 一個小時後先食甜品.   Cookie & Cream Puffs

好滿足呢!

豬腩片包飯

June 4, 2020, Thursday

呢幾個月Cindy放假之, 我都無出去食, 全部都係自己煮.

但今日要返工, 放工回家就真係有的趕, 所以就要諗吓單一又要好味的.

我地一家人最喜歡包著的野食, 今是呢個豬腩片包飯, 响疫症期間都整過好幾次啦.  只不過每次的醃料都有的不同, 上次用韓式辣醬,

今次嘅豬腩片同咗幾款香料來醃, 包括茴香粉, 孜然粉, 五香粉, 香茜粉, 蒜粉, 辣椒粉.  亦加了半個洋蔥落去炒. 

飯就簡單, 昨天叫Cindy煮多的米, 今天翻熱就得.  白米係二公子同型爸吃的.

我怕血醣高, 食五色糙米.   平時一杯米分四餐食. 

型爸喜歡魚子, 比較濃味, , 可隨佢喜歡加落去

型爸喜用生菜包飯, 佢加了魚子

二公子喜歡紫菜

再加的料落白飯,, 哈哈, 唔用紫菜包都咁好味.

我就喜歡加泡菜.

同十款豬腩片, 我們包出幾個味道來...食得飽飽

仲可以預備飯盒, 回到公司都一樣可以包嚟食.