五號屋的部落

2013年3月22日星期五

Bali Lili Restaurant - 20130320

2013年3月22日下午1:49公開累積瀏覽 0 0

March 20, 2013, Wednesday afternoon

今日下午又唔知食咩野好, 同同事行遠的, 走到去厚福街H8

結果又去咗Bali Lili Restaurant

Bali Lili Restaurant - 20130319 (5)

我地兩個都係無咩飯癮, 喜歡食湯粉麵多的.

上次叫咗魚肉三寶, 今次試吓牛肉三寶, 原來三寶係牛丸, 牛肚&肥牛...好大碗呀!

Bali Lili Restaurant - 20130319 (2)

呢個餐係HK$42, 有碟油菜&飲品, 我要了小辣....食落有的麻辣嘅感覺

同事叫嘅雞絲湯河粉, 佢要大辣呀.... HK$38

睇呢的份量, 我覺得好抵食...久唔久一定嚟幫襯

2013年3月21日星期四

十勝道場 - 20130319

2013年3月21日下午1:52公開累積瀏覽 182 0

March 19, 2013, Tuesday night

呢排的天氣真係陰晴不定....天文台話有27c...天氣溫暖, 諗著又曬又熱啦..

點知出去食晏時, 但天氣陰陰沈沈...仲落雨添...

不過我地都係照原定計劃....行去漆咸道食...少少雨...唔怕.

經過十勝道場, 睇吓多唔多人先....又ok喎, 等一兩檯, 好快啫.

今日唔想食生野....叫熱食啦...第三週, 燒芝士咖哩雞扒石鍋飯

呢, 就係咁梭啦...都ok架. HK$55

同事叫嘅义燒拉麵, 配墨魚生飯, HK$48

平時唔鍾意食飯嘅同事, 今日竟然叫火地獄辣汁豬肩胛飯 HK$45.....係喎, 我都好耐無食過啦.

最近午飯食來食去都係嗰幾間, 有時真係唔知食咩好啦.

2013年3月16日星期六

翠華餐廳

2013年3月16日上午11:59公開累積瀏覽 218 0

March 13, 2013, Wednesday Night

十勝豚丼搬咗, 舊址開咗間翠華餐廳, 咁耐都未去過.

今日先同同事第一次去試吓.

睇menu, 就叫呢碗魚蛋片頭河....HK$33, 都幾貴

仲有奶油豬, HK$17...好貴, 都叫嚟試吓. 同同事share, 不過一食落去就有的失望, 我食嗰邊一的都唔脆

魚蛋片頭河都係好一般, 唔覺有咩出色, 不過的辣椒油就好辣

同事叫咗午餐

翠華餐廳 (4)

有羅宋湯

主菜係龍利豬肉腸, 同事話一般啦, HK$57

翠華餐廳 (9)

餐飲佢加HK$5, 要咗酒桶香檳. 即係冰陣奶茶. 同事比咗的我試, 有奶味, 無茶味, 略甜.

埋單HK$112, 價錢偏貴, 野食普通, 會少的幫襯.

2013年3月14日星期四

March 10, 2013, Sunday night

今日無咩特別野做, 都係hea吓, 本來諗著執吓衫換季, 結果就不停對著個Candy Crush... 我真係浪費咗唔少時間响呢個game呀!

下午帶Loki出去行街, 型爸話今晚不如搵林老闆出去食飯啦...

點知撞啱林老闆林太買餸返嚟, 原來佢地今晚有朋友嚟打邊爐, 見我地只得兩支公, 邀請埋我地...哈哈, 真係義不容辭....上個星期日已經食咗一次, 今次又去打攪人, 下星期都應該輪到我啦.

咁我地都唔可以空手去架, 型爸帶咗枝Ballantines 21年

仲有的送酒小食,

我就帶兩枝蘆薈小麥草(我的至愛飲品)

今晚的火鍋料好豐富呀!

新鮮游水海鱲

象拔蚌

生蠔 & 牛柏頁, 我鍾意呢的原色無漂過, 仲爽口的.

林老闆家火鍋晚餐 (4)

手切肥牛, 而家賣到二百幾蚊斤

其實仲有好多手打蝦丸, 墨魚丸, 鮮冬菰...菜....最正係個皮蛋芫茜粟米魚湯底, 未食火鍋之前就先飲的魚湯

食野之前食咗的小食, 我的戰鬥能力大大降低, 唔食得幾多添..

多謝哂林生林太, 下星期真係要諗吓點樣回報先得啦.

2013年3月13日星期三

九龍冰室

2013年3月12日下午2:16公開累積瀏覽 246 0

March 9, 2013, Saturday,

呢個星期真係好忙, 還好, 昨天趕哂的野, 今日真係可以同型爸周圍行吓. 二公子呢兩個星期都唔會返嚟, 唔使顧著煲湯整野比佢食.

不過我地有邊道去吖, 最relax咪去按摩囉. 順便行國內超市入番的火鍋湯料.

下午我地去咗福民食午飯, 其實都係求並搵一間, 兩個人都係隨便食.