合作西餐

March 20, 2016, Friday

今日拜完山返屋企都已經三點, 型爸又問今晚食咩!  我就例牌話你喜歡啦...

佢打電話比林老闆, 林老闆話不如食西餐啦.  型爸一口應承, 仲即時問我整咩, 我個腦轉一轉, 屋企有咩....龍蝦湯加牛扒啦.   即刻攞的牛扒出嚟解凍

龍蝦湯加的cream煮起得

煮好加咗的XO落去, 有酒香, 好味的架.  可惜無龍蝦肉, 如果加的龍蝦肉仲正呀!

兩件1寸半厚牛扒, 每年起碼12安士

用牛油起鑊

牛扒每餐煎兩分鐘

跟著放入焗爐焗10分鐘

用鍚紙封著靜止等佢的熱力繼續煮.  馬上連埋的湯拎去林家

林老闆已經開定蠔

拆好蟹腳

佢地讚的湯好好味呀!

每人仲有一片鵝肝

林老闆嘅手本名菜, 黑松露白汁意粉

 

林太的炒什菜

因為要食的凍野先, 我嘅牛扒焗得耐咗, 唉哋, 應該熟哂啦.

的牛扒雖然熟咗的, 但好有牛味, 切開大家share, 每人每樣食少少都好夠啦.

合作西餐, 每人整一兩樣, 型爸同林老闆又可以飲番杯, 大家都食得好開心呀!  

龍華酒店食乳鴿

March 20, 2016, Sunday

星期日本來係行山天, 但今日唔係行而係拜山.  今年唔想迫, 同奶奶講提前兩星期, 希望唔使打哂蛇餅排隊仲耐過拜山.

去到寶福山, 人雖然多, 警察亦封咗路, 但無打蛇餅, 等咗幾分鐘就可以上扶手電梯.    順順利利就拜完山.

嘅然嚟到呢道, 午餐就去龍華酒店食乳鴿

由寶福山行去龍華酒店, 都只係十幾分鐘. 好多人喎, 的人唔似啱啱拜完山, 似join旅行團多的.

又經過呢檔炸物, 我諗佢都做咗十幾年.

香港人的回憶??

兩隻孔雀仲健在, 不過就懶洋洋唔郁

 
呢道唔係食乳鴿咩, 做咩整隻雞响道.

都好好生意, 我地十幾人要兩張大檯

 

呢道的套餐貴咗好多, 六人餐都要HK$1280, 八人餐就仲貴. 我地八個人要個六人餐就算, 因為仲有的雞鵝鴨燒肉祭品,  每人一隻乳鴿都食唔哂.

哈哈, 不過睇張落單紙, 的野改咗,但侍應無同我地講, 唉算啦, 見到佢地人手短缺, 有的後生的嘅侍應, 似係學生哥做part time, 瑤柱蛋白炒飯, 好過鴿鬆炒飯啦.   的鴿要嚟做燒乳鴿好過做鴿鬆啦.

有四盒祭品, 分咗兩份, 每檯食的.

蟲草花鮑螺湯

菠蘿咕嚕肉

紅燒山水豆腐

上湯浸時菜

瑤柱蛋白炒飯, 同個咁肉酸個煲, 見到都唔想食啦.

粟米石班塊

翡翠鮑螺片, 哼, 呢的螺片係煲完湯拎番出嚟炆....吓, 我响屋企先係咁啫, 酒家都係咁.

等等等等, 等咗好耐, 催咗兩三次, 的乳鴿卒之嚟啦.

睇個樣就知唔掂, 紅燒乳鴿, 睇落唔似剛啱炸起, 都唔係好熱嘅.   食落又鹹...哈哈, 唔怪得之Travel Advisor有人留言呢道的係最難食嘅乳鴿啦.

龍華酒店咁辛苦續個臨時牌, 但的野食咁, 點攪呀!  仲話香港人的回憶, 破壞哂喎!

呢個餐, 點睇都唔值呢個價錢啦.

埋單兩檯加埋HK$3065.  唔好食又唔抵食, 大家都話下次唔嚟啦.

出門口睇吓隻小鸚鵡, 不斷咬個鎖, 好似想咬爛佢走出嚟呀!

臨走再去睇吓乳雀先生, 出嚟行啦, 不過無開屏啫.

深圳長豐酒店豐和大世界酒家

March 18, 2016, Friday

今年國內公司年慶, 在新橋長豐酒店擺幾圍, 玩吓遊戲, 抽吓獎, 等的同事開心吓.

菜單都係簡簡單單

有燒味拼盤

白焯海蝦

粉絲蒜鮑魚

蔥油雞

香芋扣肉

雀巢五福丁

清蒸海班

蒜香骨拼脆奶

上湯浸時蔬

錦綉炒飯

美點雙輝

紅豆沙

生果盆

呢間酒樓的野食唔錯, 煮得幾好味.

同的國內同事食吓傾吓, 玩遊戲, 抽獎, 大家都好開心.

九點半我地要走啦, 趕著十點半前過關, 明天星期六上午, 約咗個客, 所以要返工呀!