今晚好忙, 因為要預備做兩個生日蛋糕. 興祝奶奶生日為其中一個理由, 最主要其實係型爸的兄姊, 全部人等都未食過我整嘅Cheese Cake, 趁今次人齊, 整比大家試吓. 因為人多, 驚唔夠食, 都係要一次整兩個.
星期一晚要跳Belly Dance, 食完飯急急忙忙去預備材料.
先用牛油紙紮好個ring, 放入焗盤
預備好的材料, 再整好個餅底先放入雪櫃.
Cream Cheese & 糖都量好, 一陣可以打
預備好哂, 型爸就載我出去上堂. 九點半再出去接我返嚟, 咁樣可以慳番好多時間.
一切安排都好理, 但一不小心, 即刻發生家居意外.
返到屋企, 即刻預熱焗爐, 同時在焗爐底盤加水, 預備先坐水焗30分鐘. 預熱完畢, 我右手打閞焗爐, 左手拿著其中一個蛋糕, 預備放入去, 點知一打開焗爐(只有幾吋), 的蒸汽湧出來, 我的左手非常灼痛... 即時放低(差唔多係掉低)個蛋糕, 立刻用running water沖隻手. 睇吓, 四隻手指紅哂, 唉吔, 真係痛到 入心入肺. 沖完水, 攞的寶膚靈搽, 都係唔得, 痛到手都震哂, 繼續要用水沖, 再用冰水浸著. Ruby 叫我用牙膏搽, 佢話好有效, 會無咁痛, 但我都係想試多次寶膚靈, 不過用咗都真係無法止痛. 唯有用冰水浸著, 隻手先無咁痛.
整親啫, 個蛋糕都要繼續架, 其實都已經整好, 等入爐啫. Ruby幫我放入個爐, 先焗30分鐘.
跟著將底盤水攞走再焗30分鐘.
其實今次真係焗得好靚.
用單手整埋個餅面(另一隻手浸著冰水), 再入爐焗多焗十分鐘.
今次兩個餅都做得好靚. 本來預備咗的Black Truffles Chocolate 裝飾餅面, 但又驚放咗的朱古力之後唔靚, 到時無得救. 又夜, 又攰, 又痛, 都係唔好攪咁多啦.
沖完涼之後, 隻手都仲係好痛, 結果聽Ruby話用牙膏塗在手上(咦! 的冰涼牙膏, 好似真係無咁痛喎), 再用兩塊冰墊夾著隻手, 再用毛巾包著, 隻手先無咁痛, 迷迷糊糊就瞓著咗.
第二朝起身, 隻手已經無咁痛, 食指仲有小小紅, 輕微水泡. 中指還是很紅, 也有小小水泡, 但比昨晚好多了. 但無名指及尾指非常紅, 還起了大大小小的水泡, 無名指的大水泡仲大過我隻水晶甲....唉...
下午走咗去睇醫生, 諗著叫佢幫個刺穿的水泡及消毒. 但醫生叫我忍耐一吓, 最好等幾天先刺穿個水泡, 避免細菌感染. 咁好啦, 唯有忍吓啦. 醫生比咗的針頭(等幾日後刺穿的水泡)同藥膏我. 其實呢個情況底下, 醫生都幫唔到幾多.
唉! 都唔知點解會咁唔小心, 平時開焗爐都只會先打開小小透氣, 亦未試過放水落去一起預熱, 今次真係一大教訓. 只係短短幾秒, 蒸氣可以灼傷成咁. 所以千祈唔好比小朋友哄咁埋個焗爐, 打開爐時一定唔可以比佢地走咁近, 一個唔小心灼傷, 真係可大可小.
嗚鳴! 我的皮膚復完能力比較慢, 真係有排痛, 嗰的疤痕有排都唔會過.
