泰豐廔午膳

2012年1月12日下午11:02公開累積瀏覽 154 1

January 9, 2011, Monday afternoon

忙咗一朝, 下午同的同事出去食飯, 其中一位提議去泰豐廔, 而另一位就未嚟過. 

我都只係嚟過一次. 咁就一齊去啦.


泰豐樓, 個牌扁都係用古字


在門口, 順便攞張咭片睇吓

上到去, 無咩客得一兩檯.  十檯九空.

我地四個人, 叫咗五樣野.

 

蔥爆羊肉, 的味道有的那個, 唔識講


賽旁蟹, 睇都ok, 食落無咩味


鮑片生菜(個伙計介紹, 話的齋鮑魚好似真鮑架), 咁齋鮑就係齋鮑啦.

 

螞蟻上樹, 呢碟真係唔知咩野味, 就當煮炒絲啦.

金腿生菜絲炒飯, 好濕好黏.  但係叫一碗白飯hk$6, 四碗hk$24, 呢碟炒飯都只係hk$24


四餸一飯, 送例湯

仲送甜品

 

我地叫得多咗, 食唔哂, 叫少一樣就差唔多.   埋單hk$196... 每人hk$50

呢道的野抵食夾大件......但並不等於好食.   我真係覺得呢道的野唔得, 樣樣味道都好似差唔多.  唔知係咪京式煮法, 總知同食上海野唔一樣.  唔怪得之咁少客啦. 

呢道的檯張張檯布都cut咗一個大孔, 係用嚟火鍋用.  我同事多口問佢地攞張晚餐menu嚟睇吓.

的火鍋餐一的都唔平喎.  但係如果散叫, 鍋底都要hk$50, 鍋料每位hk$12... 吓, 咁咪唔抵食囉.

不過睇吓啫, 我諗我都無咩機會晚上嚟呢道食嘞.

牛奶枕頭包 - 又試新 recipe

Nov 12, 2012 8:30 PMPublicPageviews 238 0

November 9, 2012, Thrusday Night

哈哈, 整過咁多次枕頭包, 仲係咁樂此不疲.  因為次次的麵包都好軟熟.

其實我每次落嘅份量都有的唔同, 嘗試搵一個最愛, 哈, 但仲未搵到.

今次我係參考高Ling嘅龐多米(Pain De Mie) recipe, 但我唔夠時間發酵, 之前一日整麵團, 放入雪櫃改用低溫發酵.  佢用手搓, 我用機搓(懶呀!), 無加奶粉又加咗少少奶

份量:  高粉330g, 糖27g, 鹽6g, 牛油17g, 固體菜油17g, yeast 5g, 冰水(4c) 217g (後加了13g 奶)

因為用機搓, 先落冰水, 糖, 鹽,  奶, 搓完第一程式, 加牛油及固體菜油, 搓至第二程式完結已經差唔多.



用保鮮袋放入雪櫃.   第二天放工回來, 從雪櫃拿出來回溫40-60分鐘

翻麵排氣將麵團分成三份

用保鮮袋蓋著靜置20-30分鐘

將麵圑壓長捲起放入模內繼續發酵


大約50-60分鐘

至八九成滿

預熱220c

焗35分鐘

焗起好香.  一出爐個包l面好脆呀.   高Ling做起係頂角方包, 但我用嘅方法唔同咗, 無頂角呀.  但對我嚟講頂唔頂角麵無所謂喎. 

待涼之後切片, 真係外脆內軟.  唔知係咪用咗固體菜油加牛油, 普通白麵包都咁香嘅.


第二天, 搽咗果醬入多士焗爐焗5分鐘.  好味!

食完之後個盒剩咗的麵包碎, 依然係咁香, 呢個recipe得呀, 多謝高Ling.  下次有時間要跟足佢嘅做法.  其實搓好麵團時, 個麵團有的黐手但好柔軟, 真係有的唔捨得放入雪櫃, 但無時間無辦法. 

我一定會再整呀!

鐵板燒@松坂

2012年11月9日上午11:44公開累積瀏覽 122 1

November 6, 2012, Tuesday

今日同幾位同事一齊同客人食晏, 去咗松坂食鐵板燒


响南洋中心嘅松板, 真係好耐歷史啦.  經過多年生意起起跌跌, 能否做到今時今日, 都真係唔容易

呢道的食物水準都ok架.

我地訂咗房間食鐵板燒, 呢道午市有四個餐選擇, 價錢都唔算貴.

我地六個人, 叫咗兩款唔同嘅餐, 咁就有蝦, 魚, 帶子, 神戶牛肉

 

兩款唔同嘅餐, 有唔同嘅前菜沙律

 

鐵板燒師傅一開始先炒蒜, 跟著就開始煎大蝦

 

蝦肉蝦頭都好味, 但蝦肉我就覺得煮得過熟

用脆肉瓜煮嘅麵豉湯

帶子

每人半塊銀雪魚

跟著就到牛肉薄燒啦

呢的係普通牛肉

呢的係神戶牛肉, 食落真係唔同架.  好味.

跟著師傅就開始炒飯

的飯炒得好好, 真係粒粒分明.   我好夠啦, 要咗半碗就夠.   其實都唔係食咗好多野之麻, 已經覺得好飽, 人客都食唔哂的飯

最後嘅少芽菜, 覺得好清新.

甜品係荔枝雪糕, 都幾好味呀!

我有九折咭, 即係埋單唔使加一,   HK$1578 都算抵食啦.

今日客人食得好開心, 我地都食得好開心.

Glenfarclas 105

2012年11月7日下午1:55公開累積瀏覽 144 0

Nov 4, 2012, Sunday

今日要介紹呢支酒, 買咗好耐, 係上次叫酒行介紹, 一次過入咗十支, 差唔多都飲哂啦, 但見型爸同林老闆對呢支都好似無咩興趣開嚟飲. 

我睇吓支酒, 都明啦, 十年酒, 無咩吸引力.

我同型爸講, 買咗咁耐唔飲封塵咩...嘻嘻, 結果佢地開咗嚟飲.



Glenfarclas 105 Cask Strength Highland Single Malt Scotch Whisky

比個close up睇吓.  Cask Strength咩野意思呢.

嘩, 60度...咪好似火酒咁.

Assertive, Amazingly smooth for the srength, and wonderfully warning.  Isuggest Adding a Little water to fully explore the 105's great depth.

嘩, 呢支酒實在太勁, 連一向飲開酒嘅林老闆同型爸都話唔可以淨飲, 酒精度高, 飲落去熱喉, 唔怪得知話要加水啦.

我試咗一啖, 飲完即刻感覺到的熱氣由喉升上面....

我睇呢支酒佢地有排都飲唔哂....好飲就好快飲哂, 咁烈嘅酒, 每次飲少許加冰都有排飲啦.   呢的酒肯定唔會再入貨.

烤魚鍋 - 雅苑中日火鍋料理店

2012年11月4日下午12:24公開累積瀏覽 236 0

November 1, 2012, Thursday

呢兩日天氣轉涼, 前天整天雨落不停, 還好今天無咩雨.   香港人真係好鍾意食火鍋, 天氣涼少少, 大部份餐廳都推出火鍋或煲仔飯應市.

今晚我同型爸撐檯腳, 初時都唔知食咩野好, 但去到嗰條街, 多咗咁多間食肆, 有一間仲係新開嘅添.

型爸見到門口貼滿介紹烤魚鍋....唔使諗, 入去試吓先.


呢間叫雅苑中日火鍋料理店....張咭片好型喎...

kakakaka....都只不過係一間新開嘅餐廳啫... 都係以火鍋為主.  咁當然仲有其他小菜啦.

檯面放齊了各款調味, 用嚟自製醬汁.... 不過我地唔需要呢的.

因為我地叫了剁椒烤魚鍋呀(叫咗小辣咋)... 有全魚(整條), 大邊, 小邊.  我同型爸兩個人, 叫了一條小邊.  魚鍋嘅湯底已經十分濃味, 我地唔需要其他醬汁

煮咗幾分鐘之後打開, 好香喎!

個老闆娘教我地將魚上面的配菜, 先撥落的湯煮腍佢, 咁樣好味的.   食時先由邊開始, 佢話煮咗幾分鐘, 魚身厚嘅部份可能未熟, 但等到全條魚熟哂的肉就會嚡.  其實呢半邊魚已經略為煎過, 所以得覺得應該差唔多熟哂啦.   不過如果要大邊又或全魚, 可能就要煮耐的啦.

呢個鍋又真係幾好味, 唔係好辣.  型爸話下次要食中辣或大辣, 咁樣過癮的喎.

的魚差唔多食哂, 我地就多叫幾款配料

鳳城水餃

讚岐烏冬

唐萵菜

型爸叫支大啤, 但呢間餐廳太新未有酒牌, 但佢地叫伙計幫我地去出面買.   型爸可以放心飲,  因為佢有私人司機....我囉...我唔飲酒麻.

的魚鍋湯底要嚟焯烏冬同菜, 好味呀!

埋單連埋支啤酒都只不過係二佰二十蚊....食到我同型爸好滿足呀!  

下次再嚟試吓不同菜色啦.